Read العائد by حسن الجندي Online

العائد

الجزء الثالث والأخير من ثلاثية مخطوطة بن إسحاق...

Title : العائد
Author :
Rating :
ISBN : 9789777780087
Format Type : Paperback
Number of Pages : 366 Pages
Status : Available For Download
Last checked : 21 Minutes ago!

العائد Reviews

  • Mohammed Arabey
    2019-06-02 05:08

    إلي الصوت الذي كان يُحدّث حـسن الجـندي في أذنه عندما كتب هذه الثلاثية..أحسـنتثلاثية تحولت منذ الجزء السابق من "رواية رعب" إلي ملحمة حقيقية تليق بمخرج كبيتر جاكسون ليصور صراعاتها..فإذا ستقرأها لترتعب فحسب,فلا تقرأها أرجوكملحمة عالم الجان..حدود تأثيرهم علي البشر، حدود قوتهم و صراعاتهمعالم القرناء ،الغيلان وأنفار العفاريت..وعهد سيدنا سليمان الذي أُخذ عليهمثم ربط كل هذا وسر الكهرباء الكونية,كهرباء أجسامنا وأرواحنا..وهل حقا بعض حالات الصرع ،الكهرباء الزائدة، لها علاقة بكهرباء أرواح الجان من حولنا؟وإلي عالم المخطوطات ، المزامير والأسرار اليهودية .. التعزيمات والطلاسمولا تنس مدينة الموتي..فنحن هنا بصدد أستكمال ثلاثية مخطوطة أبن إسحاق...وسر مدينة الموتيذلك السر الذي زهق بسببه أرواح كثيرة , أخرها أصدقاءنا من الجزء الأول..أصدقاء يوسف..العائدأحــــداث الثــلاثـــية -------------------بلغة ممتازة وتطور واضح في أستخدام المؤلف للغة, وبحبكة أعقد وأكثر أثارة -وإن كانت أقل رعبا وأكرر هذا ليس عيبا- يستكمل حسن الجندي ملحمته بالجزء الأخيرالملحمة التي بدأت كرواية بسيطة مرعبة "الجزء الأول" عن شباب عثرت علي مخطوطة تخص مدينة موتي غامضة , وأكتشفوا أن صديقهم يوسف هو من أحفاد إسماعيل الحلبي صاحب تلك المخطوطة,فقاموا بتحضير الجان لمعرفة أسراره وتلك المدينة الغامضةولكن من يلعب بالنار ينال جزاءه القاسيريفيو الجزء الأوللنكتشف بالجزء الثاني أن الأمر أكبر من ذلك, تدخل الجان لعالم البشر هو محرما بعالمهم كما هو محرم بعالمنا..ولذلك تبدأ الصراعات بين ملوك الجان قد تمتد لعالمناريفيو الجزء الثانيما قد يعيب بداية أحداث الجزء الثالث هو نفس ماقلته عن نهاية الجزء الثانيالنهاية المبتورة للجزء التي أدت إلى بداية جزء تشعرك كأنك دخلت الفيلم بعد بدايته بخمس دقائق. . فكانت حتي خفة دم حامد شبه سخيفة. ..الا انه بمجرد بدء الفصل الأول حتي تشعر أنك رجعت لجو أصدقائك القدامىكما يأتي الجزء الجديد بشخصيات جديدة لتنضم لأصدقاءنا من الجزئين السابقين -الذين بقوا علي قيد الحياة منهم-, شخصيات هامة تفتح مجالا لحقائق غريبة كالنظريات حول الكهرباء التي بأجسامنا، هل هي روحنا التي تتحكم بها أم أجسادنا؟ هل للجان أيضا كهرباء بأجسامهم التي لا نراها؟أعجبتني جدا تلك الجزئية خصوصا أني قد قرأت عن الكهرباء الكونية في تجربة رهيبة مع ستيفين كينج مؤخراريفيو رواية ستيفين كينج عن الكهرباء الكونيةبل وحتي المعلومات الطبية عن الكهرباء وحتي تأثيرات الحشيش علي جسم الأنسان قدمها بحرفية طبية ,يبدو أن البعض فعلا مصرا علي الأتقان في فن الروايةقد تعتقد أنه تطرق إلي أمور أخطر وأقوي بذلك الجزء ولكن بصراحة عندما فكرت في الجزء الأول ,وسبب تقييمي العالي له بالرغم من ضعف الأسلوب كان بسبب أستخدام بعض الأمور الحقيقية والمسلمات عن عالم الجان والعفاريت من كتب التراث العربي والديني بوجه عام ,بتفسيرات وأجتهادات مختلفة وفي نفس الوقت لا تمس الدين بسوء أو حتي تدعو للسحرالأحداث التي تخص الدين---------------------قمثلا أمور تدخل الجان في عالم البشر...هي أمور قد تحدث بدليل أن الله سبحانه وتعالي نهانها عنها وحرم الله تعالي علينا الأستعانة بهم , كما أخد سيدنا سليمان عليه السلام العهد عليهم فقد كان أعطاه الله سلطان عليهم لم يمنحه أحدفلم الأستعجاب والأستغراب عن ذكر عهود سليمان عليه السلام وملكه علي عالم الجان هنا؟ومنذ متي وسواء البشر أو الجان لا يخرج منهم مرتدين عن وصايا الأديان؟أعني أن مايحدث في عالم الجان بتلك الرواية من صراعات مشابه لصراعات عالم البشر علي السلطة التي قد يضيع في صراعاتها أرواح, أليس كذلككما أن الأجزاء الخاصة بسيدنا سليمان لم تخرج عن أطار ماذكر في القرأن...وباقي الأحداث مبنية علي تفسيرات كثيرة وأجتهدات من علماء التاريخ والاديان كما كتب المؤلف في النهاية المشاركين معه في الأبحاث وأسماء مؤلفي كتب التراث الخاص بهذا المجالفهذا المجال لا أعتقد أنه سيتاح لك بسهولة من ويكابيديا أو بحث الجوجل , أليس كذلك؟حتي عند ذكر أجزاء ضعيف الأحاديث عنها-وهذا ما أعجبني- يذكر لك أن الشيعة رأيهم هذا,أو الأسرائيليات ذكرت ذلك..وهكذا كي لا تأخذ كل الأمور كمسلمات أما عن وزير وكبير كتاب سيدنا سليمان فلهذا حديث أخر بجزء الشخصياتوأرجوك وفر إتهاماتك الكريم أن الرواية تدعو إلي السحر و إستحضار الجانفأذا قرأت أحداثها بحق ستدرك كم التحذيرات من الأمر، تحضير الجان والإستعانة بهم موجود وأستفحل في الأونة اﻷخيرة قبل صدور الرواية أساسالكنها خطر فعلا نوعا ما، خاصا لذوي القلوب الضعيفة التي قد لا تتحمل كمية هذه الحقائق الممتزجة بأحداث الرواية الخيالية عن وجود عالم الجان حولنابالاخص بهذا الجزء الرهيب ..وخاصا جزئية أصف بن برخيا..ولكن لنبدأ أولا بـالشخصــيـات-----------حامد : صديق يوسف من الجزء الأول , مازال هو من يثير الأبتسامات دائما , أخيرا يصبح له دور أقويأسلام : صديق يوسف الثاني, لم يكن مهما في الأحداث قدر قرينه, نجم هذا الجزءعماد : الخبير بهذا العالم, عالم الجان الذي يراهم للعنة ما..بسبب علاقاته بعلماء ودكتور بالجامعة سيكون له دورا هاما حازم : صائد المرتدين, كان دوره بالجزء الثاني أهم بكثير من دوره هناطه : طالب الهندسة الكهربائية من سلسلة ماتريكس Neo يذكرني ب وهو كان مدخل هذا الجزء لتقديم نظريات الكهرباء الجسدية للبشر أو عالم الجانهناك طبعا يصفيدش و المخلبي وكل الجان الذين تعرفنا عليهم في الأجزاء السابقةوحتي هذا الجان الذي وضعت صورته في ريفيو الجزئين السابقين ولكني لا اعرف بعد لماذا -ربما لأنه وسيما :)-وهناك شخصية جديدة وهي : مهران ابن القصاب , أو الحي بن القصابشاب من فارس في القرن الثامن عشر .. يفاجأ بحقيقة أبيهمهران من فارس..هو الشخصية الجديدة بهذا الجزء والذي قد من خلاله نعرف المزيد من أسرار الجزء الأولولكنه في فارس..ونحن في مصرلن أحرق لك المزيد من المفاجأت ولننتقل لأهم شخصية بعد ذلك, الشخصية التي -لدهشتي- فوجئت بأن الكثير لم يتفهم سر الأشارة لهاأصف بن برخيا------------آصف بن برخيا هو أحد علماء بني إسرائيل ومن المقربين من الملك سليمان وكان يملك العلم الكبير ويعلم باسم الله الأعظم ويجمع العلماء أنه من أحضر عرش ملكة سباء إلى الملك سليمان بن داودهذا المعروف عنه والمشهوركل ما زاد بتلك الرواية هي بعض الأجتهادات عن العفاريت و أن أصف هو من حفظ عهود سيدنا سليمان عن أيدي الجان والعفاريت..وأن الأحداث تتطلب مزامير ناقصة يقال أن سرها كان محفوظا لدي آصف بن برخيا..لذلك بالرغم من عدم ظهور شخصيته بالأحداث تماما ألا أنه كان أحد النظريات التي تحدثت عنها الرواية بشكل مثيرودون المساس أيضا بالشخصيات الدينية كما أعتقد البعض(view spoiler)[وواضح جدا أن بالنهاية عندما تمت ترجمة المزمور الأخير علي يد مهران ظن العفريت أنه آصف حيث أنه الوحيد الذي كان لديه ذلك السرولكن شخصية آصف لم تظهر بالطبع لأن الرواية حافظت علي قدسية الشخصيات الدينية وليس العكس (hide spoiler)]النهاية-------اللغة العربية هنا أكثر من ممتازةحتي في أكثر الحوار حافظ المؤلف على استخدامها فلم يلجأ كمراد وغيره للعامية الممزوجة بالانجليزية المبالغ بها أو العامية الفجة حتي كروايات حسن السابقةطور من أدواته بشكل ممتاز جدااما النهاية -بدون حرقفلا أنكر أن قبل الفصل الأخير بهذا الجزء ظننت أنه أستحاله تنتهي الرواية في أخر 40 صفحة...ظننت أن هناك جزء أخر بالطريقفاق توقعاتي وحصلت علي نهاية مرضية لثلاثية ملحميةنهاية لا تقل ملحمية وإن كانت بلقطات سريعة سينمائية جديرة فعلا بمخرج قدير ليقدمها بهذا السحر والقوةبصراحة كنت متخوف من أن يكون هناك عرض تفصيلي لكل الحروب ولكن دعنا نعترف بأنه لن يكون ملائم أدبيا، فكانت النهاية ملائمة ، ولاتقل وملحمية وتليق بتاك الثلاثية الكابوسيةسأفتقد كثيرا حامد ورحيم وطه وأسلام وعماد وحازمسأفتقد قراءة تلك الثلاثية..والصوت الذي كان يحدثني طوال تلك الثلاثيةسأفتقد أن أقول إلي الصوت الذي يُحدّث حـسن الجـندي في أذنه عندما يكتب تلك الثلاثية... أرجوكفُكك منه بقي شوية خلي الراجل يشوف شغلهوأنا منتظرا جزءا جديدا من تلك الرواية*******************************إلي حسن الجندي , وعدتنا بعد مرور سنتين من الجزء الثاني هذا الوعد في يونيو 2014وقد نفذت الوعد بحذافيرة بنهاية الثلاثية بشكل ممتازوننتظر منك المزيد من الأعمال المميزةمحمد العربيمن 3 فبراير 2015إلي 6 فبراير 2015ملحوظةإلي دار النشر المحترمة جدا التي نجحت في رفع السعر اكثر من 50% عن رواية حسن الجندي السابقة ,طبعا لأنتظار الكثيرين لها..ده غير موضة كروت الخصومات اللي بتعملها الجروبات الثقافية علي الفيس بوك غلبتها مكر وجشع أغلب دور النشر -ملحوظة كمان انا عارف والله ان الدولار زاد بس مش كدةعيب عمل متميز تفسدوه بأخطائكم المطبعية والأملائية , بل وخطأ في الأسم في الفصل الأخير دام طوال الصفحةعيب أن تكون طباعة النسخ المزورة جذابة أكثر من النسخة الأصلية وأرخص إلي الصوت الذي كان يحدث حسن الجندي في أذنه عندما كتب تلك الثلاثية...طلع ميتيـ..........ار النشر دي["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>["br"]>

  • Rinda Elwakil
    2019-06-16 03:02

    عندما نتحدث عن أدب الرعب فاعلم جيداً أني من عُشاقهكانت أفلام "استغاثة من العالم الآخر" و "اسماعيل يس في متحف الشمع" من مفضلاتي حينما كنت طفلة..تلتها كل أفلام الرعب المترجمة التي كنت انتظرها بشوق علي قنوات ال MBC في سنوات لاحقة من حياتي، كانت بداية الرعب معي قراءةً كتيبات ما وراء الطبيعة و أحمد خالد توفيق، و منها إلي صرخة الرعب التي رأيتها ردئية منذ الصغر لكني كنت أضطر لقرائتها في فترات انتظار الأعداد الجديدة من ما وراء الطبيعة لأقضي عدة ساعات مع العجوز رفعت ليبدأ الانتظار من جديد.إلي إدجار آلان بو و ستيفن كينج و محاولات فاشلة مع لافكرافت لصعوبة اللغة، و ما زال بحثي المحموم مستمراً حتي الآن علي عمل الرعب القادم سواء كان مقروءًا أو مرئيًا. ----------------------------------------------------------لم هذه المقدمة الطويلة؟كي أخبرك أن التقييم ليس لأن الرواية سيئة أو لعدم استمتاعي بأدب العرب و عدم اعتباري لوناً ذا أهمية، لكن لنقاط سأقوم بعرضها حالاً ف كُف عن الصراخ يا أخي و اعطني فرصة !الجزء الثالث و الأخير من ثلاثية مخطوطة ابن اسحاق الأشهر علي الإطلاق منذ عامين، اذكر روايات الرعب تجد من يرشحها لك بمنتهي الحماس بجزئيها ثم يطرق رأسه بعدها ليخبرك بحسرة أنها لم تكتمل بعد و لا يعلم أحد حتام سيطول الانتظار.. --------------------------------------------------------كنت ممن قرأوا أول جزئين سوياً وقت صدورهما -منذ ثلاث سنوات- و من حينها أنتظر تلك التتمة حتي ظننت و أخبرت الكاتب أنه قد وضع نفسه في مأزق، فطول فترة الانتظار مع النجاح الباهر لأول جزئين سيرفع مستوي التوقعات إلي حد سيصبح معه إرضاء كل ذلك صعباً إلي حد كبير.هل كانت العائد علي مستوي توقعاتي؟ نعم، فاقته أيضاً.لم؟ما أعجبني في أول جزئين كانت القصة، الخيال المجنون المتطرق لعوالم الجان الذي لم اقرأ عنه بهذا الشكل قبلًا..السرد و اللغة كانا غاية في السوء، لكن القصة المثيرة للاهتمام جعلتني و كثير من القراء نتغاضي عن كل ذلك.أما هنا، فاللغة متماسكة و الأحداث سريعة و السرد محكم للغاية..حتي أني خطرت ببالي فكرة مضحكة أن يكون الكاتب قد استعان في فترة كتابته للرواية بأحد الجان ليملي عليه ما يكتب كما قيل عن شعراء الجاهلية و استعانتهم بشياطين الشعر بوادي عبقر :) تطور أسلوب الكاتب بشكل مذهل، و إني احييه علي انتظاره طوال هذه الفترة ليخرج العمل بهذا الشكل و المعلومات الصحيحة عن الفيزياء و الكهرباء و الأدوية و حتي تأثير بعض المخدرات علي وظائف الجسم الحيوية .شخصية حامد التي انطبعت عليها شخصية الكاتب خفيفة الظل انتزعت مني الضحكات واحدة تلو الأخري عبر القصة، ف من فقرة شديدة الجدية إلي تعليق ساخر "مسخرة" يجعلك تقهقه ضاحكاً.نجحت الرواية بالفعل منذ الأسبوع الأول من صدورها، لم أر رواية تنفذ من علي الرفوف و يتقاتل البعض للحصول عليها من مكتبات أخري في الأيام الماضية سوي عليها..و هذا يجعلني أشعر ببعض الارتياح في الإشارة لما لم يعجبني، بل و أثار استيائي بشدة. ------------------------------------------------من ضمن أحداث القصة المحورية ذكر لشخص يدعي "آصف بن برخيا"، و الذي قيل أنه حد علماء بني إسرائيل ومن المقربين من الملك سليمان وكان يملك العلم الكبير ويعلم باسم الله الأعظم ويجمع العلماء أنه من أحضر عرش ملكة سباء إلى الملك سليمان بن داود بطرفة عين.ذكر البعض بأنه كاتب الملك وذكر أخرون أنه وزير الملك وأنه إبن أخته.ومع أنه لم يذكر بالإسم في القرأن إلا أن هناك إجماع بأنه "من عنده العلم من الكتاب" المذكور في سورة النمل في الآية التي استعان بها الكاتب بالفعل "قال الذي عنده علمٌ من الكتاب أنا آتيك به قبل أن يرتد إليه طرفك"و آية الأخري من سورة النمل أيضاً: "قال عفريت من الجن أنا آتيك به قبل أن تقوم من مقامك و إني عليه لقوي أمين" و هنا قام بنسب العفريت المذكور لاسم أحد أنفار الجان و بني علي ذلك أحداث في القصة !قبل ذلك و بعده أقحم سيدنا سليمان عليه السلام و عهوده المأخوذة علي الجان و تحدث عن العلم الذي علمه إياهم و استخدامه لهم و خلافه..لاحقاً في القصة تحدث عن مزامير داوود.لم أرتح لهذا إطلاقاً و لم أُحبه، اقحام آيات قرآنية و ذكر للأنبياء داخل قصة و بناء أحداث لم يقصد الكاتب لجعلها تبدو حقيقية بالطبع، الأمر ككلٍ أثار حفيظتي.بحثت بعد انتهائي للرواية عن بعض الأمور بخصوص المزامير و عهود النبي سليمان و علمه الذي كان مجهولاً بالنسبة لأنفار الجن و لذلك خشوه و اطاعوه، عن آصف و الجنّي الذي نسب اسمه للآية القرآنية و لم أجد إلا أمر آصف الذي يُقال أنه صحيح..أنا بحثت، ألم يخطر ببالك أن البعض سيتعاملون مع الأمر علي أنه من المسلمات ؟خاصة مع مجتمعنا المتطير المؤمن بالجان المستعد لتصديق أي شئ متعلق به بمنتهي السهولة؟و لم من البداية؟أعرف أن صلة النبي سليمان بالجن قوية و تخطر ببال كل من يبحث أو يتحدث عن تلك الأمور لكن يظل الأمر شديد الإزعاج بالنسبة لي.توضيح بسيط في نهاية الرواية كما وضحت بعض الأمور الأخري كان سيحل الكثير من هذا اللغط.النهاية كانت سريعة و مقتضبة، توقعت أحداثاً أكثر..لكنها لم تكن مخيبة للآمال.الرواية ممتعة للغاية، أحببت الثلاثية كاملة و لو أني تمنيت أن كُتب أول جزئين بمستوي العائد.أحببتها كثيراًفي انتظار أعمال أخري تثري أدب الرعب العربي من الكاتب. :)

  • Yousra
    2019-06-10 06:43

    طبعا أنا معنديش خدم من الجان يساعدوني في ترتيب البيت وتحضير الأكل قبل تحضير الولدين لتدريبهم وحضور التدريب معاهم وبالتي مقدرتش أكتب مراجعتي قبل كدة من كتر الحاجات اللي كانت ورايا والمفروض أعملها :-/أخيرا الجزء التالت من مخطوطة ابن اسحاق :) أخيرا وبعد طول انتظار وترقب ... طبعا سعيدة إني قريت الكتاب وخلصته وهو زي ما هو جزء واحد لم يتجزأ ولم يتفتت والحمد لله لا فيه صفحات ناقصة ولا فقرات ملخبطة ولا ممسوحة :) وبعدد أخطاء املائية يتعد على أصابع اليد الواحدة بعكس كتب تانية حلوة خربتها اخطاء الطباعة ... يمكن الخطأ الملحوظ هو خطأ نحوي اتكرر في معاملة المثنى كـجمع ... ألف مبروك لنفسي أولا إن عندي كتاب لحسن الجندي سليم ومرتب وكامل من أوله لآخره وغلافه يسمح إني أمسكه عادي قصاد ولادي بدون تخويفهم ولا تأجيل القراية :)كنت محتاجة رواية اقراها باندماج بعد فترة توقف عن القراءة اعقبها تثاقل وتكاسل في انهاء رواية أخدت مني شهر وفي العادي كنت هالجأ لروايات قصيرة جدا من نوعية شيرلوك هولمز وروايات د. أحمد خالد توفيق ضمن مجموعة روايات مصرية للجيب إلا إني فكرت في "العائد" ... كتب حسن الجندي في أغلبها يمكن إننا نقول عليها Page Turnerكنت متخوفة إني أكون ناسية الشخصيات والأحداث بسبب تباعد المدة بين الإصدارات وده فعلا كان حقيقي حاصل بس مكانش عندي استعداد أقرا الأجزاء السابقة ... شوية بشوية دخلت في جو الرواية كان كمان عندي تخوف ان الرواية تنتهي بشكل محبط لأني فكرت إن الذروة كانت في الجزء التاني فاتفاجئت بالأحداث والشخصيات والأماكن الجديدة اللي كونها الكاتب اللغة والأسلوب المميزين للكاتب كمان كانوا مصدر تخوف ففوجئت بنضج واضح في الاتنين ويمكن اعتراضي الوحيد كان على العزائم أو الطلاسم ونصوصها ... بعضهم كانوا طفوليين شوية زي لعبنا واحنا اطفال بعد ما بنشوف فيلم عربي قديم وبعضهم كانوا مُقبضين شوية وتكوينهم غريب بس مفيش مشكلةمكنتش اتخيل ان بعد ما أخد الكاتب من تراث الجان والعفاريت والموروثات الشعبية من قصص الجان في بلادنا إنه يبدأ يدور في فيما وراء قصص القرآن الكريم وبخاصة قصة سيدنا سليمان عليه السلام .... كاتب آخر جميل هو د. أحمد خالد توفيق اعلنها صراحة منطقة محرمة على نفسه وكتاب كتير بيكتفوا بالإشارة والتلميح بعيدا عن الخوض في تفسيرات وتوضيح لاعتبارها من التابوهات والحقيقة كمان إني شايفة إن الدخول في تفاصيلها تم باحترافية وبشكل لا يسيء للنبي الكريم والحقيقة كمان إن الكاتب فاجئني لما تكلم عن أشياء حقيقية زي المزامير وآصف بن برخيا أول مرة قابلت اسم آصف كان في رحلتي للصين وكان رجل سوري واستغربت الإسم جدا واتكسفت اسأله ... وآصف بن برخيا هو كاتب سيدنا سليمان واللي بمعرفته اسم الله الأعظم الذي إذا دُعي به أجاب استطاع احضار عرش بلقيس ملكة سبأ ... وفي التراث اليهودي هو أساف أو يليخا بن برخيا وهو بالنسبالهم عالم له علم كبير واستغربت كمان إن أساف هي عساف وعندنا في مصر مطرب اسمه إساف وفيه مطرب فلسطيني اسمه محمد عساف واستغربت عساف أكتر لأني افتكرت على طول عساف ياجوري اللي أسرته قواتنا في حرب اكتوبر وكان من أهم قادة جيش اسرائيل أما المزامير فبالبحث عرفت انها أقرب للابتهالات لكن كمان لقيت الانترنت عامر بكلام عن استخدامها في السحر والتنجيموكنت من حوالي عشرين سنة لقيت كتابين مجهولي المصدر رغم وجود الغلاف عليهم ومش لاقيالهم وجود عالجودريدز وكانوا صادرين عن دار نشر لبنانية في الغالب عن سيدنا سليمان وسيدنا داوود وكانوا مليانين بتحريفات وكلام مفهمتهوش وحتى في سني ماقبلتهوش ومن لؤمي قريتهم الأول وبعدين سلمتهم لماما وكنت عارفة انهم بتوع اخواتي لكن هما كمان مافتكروش مصدرهم وقالولها فيهم اسرائيليات ... فاكرة إن الكتب كان عليها صور الأنبياء وده كان بالنسبالي غريب وكان لواحد منهم إطار برتقالي والتاني أخضر وكان فيهم كلام عن السحر وكلام اكتر الواحد يقراه بتعجب!! وبعدها قريت لأحمد بهجت عن الإسرائيليات في قصص الأنبياءوبالرجوع للرواية، اتكلم الكاتب بشكل عابر عن الاسرائليات دي واستغربت إني أخيرا لو دورت على حاجة في كتابات حسن الجندي هالاقيلها أساس كان جميل جدا استخدام إيران كمسرح لجزء من الأحداث ومتفاجئة من دخول إيران بقوة في كتاباتنا المصرية وإن كانت لفظة غدارة سورية حسب علمي :) الشغف والولع بالمعرفة والخيال مايعرفوش عداوة ولا عليهم قيود فعلا ^_^ استخدام المعلومات عن الكهرباء والفيزياء والهندسة كان كمان استخدام موفق ومثير للخيالالشخصيات الجديدة اللي أضافها الكاتب عجبتني فعلا في المجمل، راضية جدا عن الكتاب ... وده طبعا أخيرا يعني ^_^

  • محمود خواجه
    2019-05-26 03:44

    قصة رائعة.. سرد مميز، أحداث غير متوقعة... نهاية مُخيبة للآمال!

  • Ayman Gomaa
    2019-06-11 08:08

    جلستين فقط !!! هذا ما تطلبته منى العائد لانهى سلسلة سوف افنتقدها كثيرا ب شخصياتها و عالمها الجن و ما ادراك بعالم الجن !!!! قبائل و حروب و جهات كثيرة كلن على جانب جعلتنى اتذكر دمبلدور فى عالم هارى بوتر عندما طلب من هاجريد اقناع العمالقة بدخول الحرب معهم غيلان \ عفاريت \ جواسيس \ قرابين \ قرناءطلاسم \ الغرفة النحاسية \ كهرباء كونية \ جولسيس \ الغرفة المطلسمةثلاثية شاملة كل شى قد يتم تناوله فى عالم الجنتطور حسن الجندى فى السرد فالرواية شيقة جدا و الاسلوب رائع عودة من بعد احداث المرتد مع ابطالنا و ظهور شخصيات جديدة كان لها تاثير كبير صديقة عزيزة وعدتنى بشخصية جديدة ستفاجئنى و قد كان :)الحى بن القصاب \ طه شخصيات نحتت ببراعة من قبل الجندى لدرجة انهم مفاجات الرواية بل و ابطالها فى رايي المتواضع , كنت بنتظر دورهم فى شده من كثرة الاثارة و الاحداث الممتعةالانتقال من ايران الى المحروسة و رجوع لاى الزمن القديم استمتعت به بشدة لافتقادى لمثل هذة الاحداث منذ قراتىء لطغراءالحرب اخيرا | مع نهاية الاحداث نهاية مبتورة :(نهاية احزنتنى ليس بسبب السرعة و النهاية السريعة فقط و ان كانت رائعة بسبب الحبكة القوية \ احزننى بعد النهاية ان الجندى لم يتناول ابطالنا بمعرفة احداثهم و العيش معهم للحظات اخرى فقد اختصرها فى صفحتين و نصف !!! صفحتين و نصف فقط كنت اتمنى بعد التطويل فى احداث معينة لم تكن بالاهمية ان نعيش مرة اخرى مع الاصدقاء بعد النهاية لصفحات معدودة تناول مواضيع مزامير ال داود و آصف بن برخيا و سيدنا سليمان كان شائك و وضع الجندى فى موضع انتقاد و كان يمكن التغاضى عنها سوف افتقدك يا حامد :) على الرغم من هزارك المبالغ فيه...........الى اسماعيل الحلاج ثلاثية رائعة لم تخيب طنى :)

  • Omnya
    2019-06-12 05:10

    طيب ليه؟!هي دي الكلمة اللي كانت في بالي لما خلصت العائدبداية أنا مستنتهاش إنها تنزل بدأت مدينة الموتى والمرتد في والوقت اللي هي نزلت في المعرضاللغة والسرد هنا أحسن بكتير جداً من مدينة الموتى والمرتد في تحسن كبيرالأحداثليه كُل الأطالة من غير فايدة واحدةوالنهاية كانت في صفحتين بس يعني مكنش ليه لازمة كل اللي حصل..معجبنيش ربط العهود السلمانية ومزامير داوود والقرآن وكُل ده بالأحداث خصوصاً إنه مكنش ليه داعي موجود بس علشان الأحداث تطولوكمان ممكن ناس تفهمه إنه موضوع مسلم به في حاجات كتير من غير ماتدور فيهكمية الفيزياء اللي في الرواية كُنت بسببها حاسة بغباء وفي أجزاء قراءتها أكتر من مرة علشان أستوعب اللي بيحصل وشخصية طه اللي وجدها بس إنه مدرس فيزياء!والصرف والنحو وحوف العلة إيه كُل ده وإيه فايدتة أصلاً؟شخصية مهران كُنت حباها وكانت مشجاعني إني أكمل بس في النهاية ليه يتحول للوغد ده؟!وجود يوسف وحبيبة وكُل الناس دي في الآخر حسيت إنه فيلم كارتون وهم بيبتسموا في نهاية الفيلم يمكن من الحاجات اللي فرحتني إن مهران أخد ثأره من إسماعيل النهاية كانت سريعة جداً حبيت الثلاثية ككل وإن مكنتش على حسب توقعاتي

  • Mohamed Shady
    2019-06-12 09:01

    image uploadده الريأكشن والجملة اللى بيدوروا فى دماغى طول قرايتى للرواية.. أنا كبرت على الكلام الفاضى ده.. مش قادر استوعب الحقيقة.. مش قادر أصدق ومش قادر اقتنع.. حاسس انى قاعد مع بن خالتى بيحكيلى حكاية.. الكاتب حاول يدخّل العلم فى الرواية المرادى، لكن للأسف ده بوّظ الدنيا أكتر.. رواية لم تثر داخلى سوى الرغبة فى الضحك.. المشكلة فيّا انا غالبًا.. تقريبا الواحد اتغير فى السنة دى حبتين.. عمومًا ال 40 جنيه اللى اتدفعوا فى الرواية دى هعرف اجيبهم ان شاء الله ف التجربة مش جاية بخسارة يعنى..

  • Sohaib Ibn hossain
    2019-06-17 02:42

    وأخيراااااا تمت...رواية رائعة جدا...سرد جميل...لكن نهاية مخيبة للأمال :////

  • Basma Masha'al
    2019-06-14 06:47

    النهاية حسيتها كروتة كأنه زهق من الكتابة .. بس برغم كل ده غالبا دي احسن رواية ممكن اقرأها

  • DỘn Mando
    2019-06-05 10:05

    وانتهت اخيرا ملحمة ابن اسحاق .. بالفعل شايفها ملحمة استطاع حسن الجندي انه يرسمها ببراعة شديدةالريفيو دة عن الجزء التالت فقط .. العائد .. اللى انتظرناه لمدة طويلة جدا- الجزء دة خيب امالي جدا .. و هشرح ليه بالتفصيل1- اسهاب و اطالة في موضوعات كثيرة جدا لم تضيف الكثير للرواية و لم يستطيع حسن انه يصيغها بالشكل المثالي اللي يخدم الجزء دة اللى كان المفترض انه يكون اهم جزء .2- المتعة فُقدت ! .. العائد هو الجزء الاقل متعة و اثارة و تشويق في الثلاثية .. عكس كل التوقعات بما انه الجزء الاخير في الثلاثية .3- الشخصيات كتيرة فشخ .. انا توهت في الرواية و حسيت بملل محستش بيه ابدا في مدينة الموتى و المرتد .. اسهاب و اطالة و مط في مواضيع اقل اهمية من التركيز على الحدث الاهم في الجزء دة وهو الحرب بين قبائل الجن و فتح البوابات .. للاسف حسن خيب ظني في الجزء دة بشكل كبير جدا .. كان ممكن علفكرة اسامحك في انك تعمل جزء رابع للرواية او تخلي الرواية 600 صفحة لكن تحترم عقلي كقارئ و تصيغ حبكة تليق بجزء القراء منتظرينه من تلات سنين تقريبا .. اختصار غريب مريب للجزء الاكثر اهمية في الرواية و هو جزء الحرب و كأن حسن الجندي زهق او مل من الرواية و حب انه ينهيها بأسرع و اقل مجهود و وقت .. و اكتر شئ ضايقني انه حسن قال انه مسح الجزء دة و بدأ كتابة فيه من جديد احتراما للقارئ لكن برضه للاسف متوفقش انه يعمل كدة .4- لازم زي ما بقول السلبيات .. اشيد بالايجابيات و اكثرها وضوحا هو التحسن و التطور الواضح و الصريح في اسلوب حسن الجندي في السرد و استخدام اللغة العربية الفصحى سردا و حوارا .. براعة و دقة في الوصف ايضا تضيف الكثير للنص الروائي .. و كمان المعلومات الكتيرة اللى موجودة في الجزء دة بتدل على تعب حسن في البحث و اهتمامه بايصال اكبر قدر من المعلومات التاريخية و العلمية .ملحوظات على الهامش : - حامد سيد الغرفة .. برنس الثلاثية بخفة دمه اللى تشبه شخصية حسن الجندي الحقيقية :D - يظل شخصيتي المفضلة في الثلاثية هي المخلبي في الجزء التاني " المرتد " ..- بدون شك الرواية دي هي العمل الاهم و الافضل لحسن الجندي .. لكن تظل روايته " الجزار " الاقرب لقلبي- مش عارف ايه المبرر انه الجزء دة يطلع بالشكل السئ دة .- حسن دماغه متكلفة بجد و بيعرف يكتب فانتازيا حقيقية بصبغة مصرية ماركة حسن الجندي و الثلاثية دي برغم الانتقادات اللى انا قولتها شايفها من الحاجات العظيمة اللي اتكتبت في النوع دة من الادب في مصر او بشكل اخر في كتابات الشباب عموما .- استمتعت بالرحلة الشيقة دي .. لكن ختامها مكانش مسك !- سيلفي حامد في اخر الرواية ضحكني فشخ :D- تقييمي للعائد .. نجمتين ..- موفق في اللي جاي يا ابو علي :)

  • Mennat Sayed
    2019-06-11 02:10

    ما بين تطبيل بزيادة وبين شتيمة بزيادة برضه وقفت في منطقة الوسط على اد ما اقدر علشان اقيم العائد من وجهة نظري المتواضعة كقارئة لادب الرعب بشكل عام و حسن الجندي بشكل خاص و احب الخص رايي في بعض نقط كده هقولها ملحوظة : دي من الروايات القليلة اللي سيبت مساحة صغيرة من الوقت ليها في دماغي بعد ما خلصتها و مكتبتش حاجة و انا لسة منفعلة بقرايتها و ده علشان يكون رايي صادق و حيادي على اد ما اقدر 1- تقيم الرواية لوحدها ظلم ليها لازم تتقيم من خلال الثلاثية كعمل كامل اتكتب على فترات متباعدة و طويلة علشان نقدر نديها حقها و لان الرواية مش بس فكرة هي اسلوب ولغة و احداث و تشويق و متعة و حاجات كتير لازم تتوافر علشان الرواية تبقى حلوة فانا شايفة ان تطور الكاتب نفسه في كل الحاجات اللي فوق دي خلال مراحل كتابته للرواية تستحق التحية لان حسن ببساطة مبدأش من القمة كان عند اخطاء كتير في اول جزء خصوصا في الاسلوب واللغة ونطاته الغير مطقية و الغير مرتبة من الفصحة للعامية والعكس اللي ممكن تفصل القارئ و اللي متبنش الا لواحد بيقرا الكتاب للمرة التانية فانتهت بالنسباله مرحلة الانبهار بالفكرة ووصل للقراية المتأنية العميقة لكن الموضوع ده بدأ يختفي تدريجيا مع الجزء التاني لحد ما وصلنا لسلاسة في الاسلوب واللغة رائعين في العائد لو محيتش فعلا حسن على المستوى ده اكون ظالمة الكاتب العظيم مبيتولدش عظيم ولا بيكون اول اعماله رائع لكن ممكن يكون اول اعماله حلو في حاجة ووحش في حاجة تانية فلما يبتدي يعلي م مستواه و يصلح نقط ضعفه مش بس بيبقى رائع ده بيبقى عظيم و حسن طول ما هو شغال على نفسه بالشكل ده و مبيرضاش يقدم لجمهوره حاجة اقل لكن ديما بيقدم الاعلى فهيوصل لحاجة مش هيوصلها اي حد في كتاب الجيل ده 2- ربع الشخصيات نعرفهم الي حد ما في الجزء الاول و التاني في حين ان معظم شخصيات الرواية وناس مؤثرين فيها جدا عرفناهم في الجزء ده انا توهت لفترة و اضطريت ارسم خريطة اربط بيها الشخصيات باسمائهم المختلفة علشان مش تضيع مني الاحداث بالرغم من اني متوقفتش خلال قراية الرواية 3- التطور في الاحداث لحد الفصل التاسع كان شئ رائع فعلا و كان يليق بالفترة اللي احنا انتظرنا فيها الرواية علشان تبني احداث معقدة بالشكل ده و نستمتع بيها 4- فكرة قلب الموازين و الماجأة بتاعة ان الخير بقى شر والشر بقى خير كانت كويسة بس معجبنيش تقديمها بالشكل ده عاوز تعمل مفاجأة زي دي كانت عاوزة خبطة واحدة تخضني كقارئ علشان اعرف اسقفلك بنفس من غير ما اقول انا متوقع انه ده هيحصل قلبة الموازين المفروض تبقى زروة الزروات بس انا محستش بكده انا حسيت انها حدث عادي وسط الرواية5- النهاية ... لو كنا وقفنا على ابواب الحرب و كل واحد في مكانه و معفتش انتهت ازاي كنت هقولك ماشي نهاية مفتوحة لكن تنهي الرواية و نص شخصيتها انا معرفش مصيرهم ايه؟ كانت صاعبة شوية و حكاية و مات الممثلون جميعا دي كمان كانت صاعبة فهمت فكرتها بس برضه حسيت انها ممكن تتقدم بطريقة افضل بالرغم من تشريح الرواية اللي انا عملته فوق انا برضه اديتها خمس نجوم ليه؟ ببساطة لان مفيش رواية او عمل او اي شئ في الدنيا كامل بلا نواقص الكمال لله وحده بس بيبان اللي بيتعب على شغله و بيحسن من نفسه باستمرار و بيجتهد من اللي بيمسك قلم و يملا ورق على الفاضي ولو النوع التاني عنده جيش من المطبلتية يديله نجوم فالوع الاول محتاج برضه ناس صادقة معاه تديله حقه و تشجعه و في فس الوقت تبينله مواطن الضعف لو حسن الجندي كصديق و كاتب ميهمنيش مكنتش كتبت ريفيو زي ده و اديته كام نجمة و سكت بس انا عاوزة اقرالك كتير واقرالك حاجات احسن من كل اللي قريته كل مرة علشان كده بقولك اللي في ضميري و رزقي على اللهتحياتي ليك و لقرأكاختك منة (مش امنية)

  • Omar Ha-fez
    2019-06-07 04:05

    و النبى يا جدعان انتوا اديتوا تقييم بناءاً على إيه ؟

  • Hussam H Aql
    2019-06-11 07:44

    الحقيقة الرواية جميلة جدا، زي ما بيقولوا أفضل رواية أو سلسلة رعب عربية، اتكلمت في الجزء التاني عن موهبة الكاتب وأسلوبه وتطور الرواية، والجزء ده كان أجمل من اللي قبله كمان في الأجزاء دي، بس في حاجة أهم عايز اتكلم فيها، هي العزائم الحقيقية الموجودة في الرواية.أنا شايف إن ذكر عزائم وكتابة طلاسم حقيقية كاملة في بعض الصفحات من الرواية ده شيء غير أخلاقي تماما، والأخطر من ذكرها هو عدم التحذير منها، أو التنويه عن وجودها، يعني أنا لحسن حظي إني عندي خلفية بسيطة بشكل وطريقة كتابة العزائم والأقسام دي، من قراءات سابقة، لكن اتصور إن في ناس كتير جدا ممكن تكون قرأت الرواية ماعندهاش اي خلفية عن صحة العزائم دي، لأن ببساطة "مستحيل الكاتب يعمل فينا كده".. أو "مستحيل الرقابة تعدي حاجة زي دي" خصوصا إن العزائم المذكورة موجودة في كتب هي ممنوعة من التدوال، فـ ازاي المحتوى بتاعها يُتداول بدون منع!ومن إعتقاد القراء خاصة الشباب (البديهي) إن أكيد العزائم دي مش حقيقية ده بيفتح الطريق إنها ممكن تستخدم إستخدامات خطيرة، زي مثلا إنهم يخوفوا بعض بيها على سبيل الهزار، ويقولوها بصوت عالي.. ده غير إني مش شايف أي استفادة من وجودها، ناحية تسويقية فقط، بتكفرني كمان بفيلم عربي كان إتمنع من العرض، ذُكر فيه عزيمة حقيقة كاملة، ومسلسل الكبريت الأحمر طبعا بيقولوا فيه أجزاء من عزائم حقيقية، الموضوع بقى طبيعي جدا، فربنا يسترها عليناالرواية أدبيا رائعة بصراحة، لكن أخلاقيا كارثية*

  • Abdelrahman fathy
    2019-06-12 01:55

    بالبداية قبل الشروع في قراءة العائد لم ألقي نظرة حتي علي الآراء أو التقييمات ..وعندما وجدت التقييم (4.05) سعدت كثيرا :)) لنرى اذا : كنت قرأت كثيرا عن قصص الجان والسحر والعمل السفلي والتلبس وتلك الأشياء ..لكن لم أري في حياتي ذلك التصور والخيال والعبقرية من قبل !!! من أين أتيت بذلك العمل يا سيدي حسن !! تلك الثلاثية ليست من صنع ادمي !! أشك انك استعنت بأحد الجان لتكتب بتلك البراعة والعبقرية ! ربما استعنت بقاصيم على ما أعتقد :)) -----------------------------------------------------------------أن نتكلم عن الجان والعفاريت شيء ..وإن تجعل من ذلك العالم ملحمة هو شيء آخر !!! ليس فقط مجرد طلاسم وتعاويذ هي من لها القيادة ..بل تجد أن بالرواية حروب وملحمة بين قبائل الجان والبشر وأنصاف الجان وأصناف البشر وكل ذلك بالخيال الواقعي !! نعم لم يكن خيالا يستخف بالقاريء ولا خيال ضحل البنيان! بل كان علي الحياد ..خيال كما يستقيم القول ..نسيج كما يستقيم القول ..مجهود خرافي لتجميع تلك الحلقات !! -------------------------------------------------------------------لم أتردد قسما عند شراءي الثلاثية كاملة ..لم ارد تقييمي للأولى ثم النظر للاخري و هكذا ! لا ! بل وثقت بك وبخيالك الجامح ! *إشارة بسيطة الي تطور ونضج العبقري حسن .أن جزء يهزم ما بعده !! كانت تقييماتي السابقة صحيحة ! لأن العائد هي من تستحق 100 نجمة وليس 5 أو 10 لم اقتحم يوما بكامل قواي كعمل مثل هذا العمل . والذى اصنع له قائمة مخصصة تحت مسمى . ((الأعمال الأسطورية :) )) أخيرا الخاتمة : كلفتك مجهود كبير جدا اعرف ذلك!!لكنها فاجأتني!انتظرت حرب جامحة ! انتظرت قتال بصل لعنان السماء ! انتظرت تجمع الصفين بكامل قواهم ومعاونيهم ثم تبدأ الحرب التاريخية ! لم اتوقع ان ينهي العفاريت الأمر بتلك السرعة ! مما ادهشني وصدمني بنفس الوقت ! لكن هذا لا يقلل بتاتاً مما قدمت . قد يسقط نجمة من 100 نجمة :)) تحياتي لك أستاذ حسن . روايتك هي أقرب رواية قرأتها للكمال الروائي .أبدعت وأحسنت بالوصول لمرتبة من مراتب الكمال ! بعد الانتهاء من القراءة ..صفقت لك .بالتوفيق في قادم الأعمال :))

  • نرمين الشامي
    2019-06-11 06:54

    مبدئيا انا لا اعلم اذا كنت استطيع ان اكتب مراجعة تترجم احساسي بعد قراءة الجزء الثالث ام لا لكني سأحاول اولا انا من اكبر المعجبين بكتابات حسن الجندي لكن للأسف هذه المرة الاولى التي اقرأ فيها له ولا اخرج منبهرة كعادتي لماذا ؟فلنبدأ منذ البدايةمنذ سنوات عثرت في احد المنتديات على رواية تسمى مخطوطة ابن اسحاق ولا ابالغ لو قلت انها المرة الاولى التي اشعر فيها بالرعب حقا عند قراءتي لأدب الرعب وانا قرأت منه الكثير لكنه لم يؤثر بي بل كنت اقرأه للاستمتاع فقط لكن هذه الرواية ارعبتني بحق وصممت على ايجاد بقيتها حتى نزل الجزء الثاني الذي لم يخذلني حيث احتوى قدر من الرعب والتشويق وخفة الظل وان كان ما ضايقني هو اضطراري لأنتظار الجزء الثالث لأرى النهايةوانتظرت وانتظر غيري كثيرون سنوات حتى نزل الجزء الثالثسقف التوقعات كان حتى حدود السماء لقد توقعت نهاية صاعقة مبهرة لتكون مسك الختامولكن للأسف قرأت الجزء الثالث لأجد ان املي قد خاب واجد جزءا اقل من الجزئين السابقين من وجهة نظري او ربما كان العيب في انا لأنني رفعت سقف توقعاتي عاليا زيادة عن الحدحسنا فلأختصر ولأعرض عيوب ومزايا هذا الجزء من وجهة نظري العيوب :-اولا سر التأثير والخوف و الرعب الذي يصيب قارئ مخطوطة بن اسحاق في الجزء الاول والثاني يتركز في شئ واحد هو امكانية حدوث الحدث فقد تقرأ مئات الروايات عن مصاصين الدماء او الارواح او المذئوبين لكنك لن تتأثر بشكل كبير لأنك تعلم ان هذا كله هو ضرب من ضروب الخيال لكن الجن هذا العالم الخفي الغيبي الغامض وكل غامض هو مخيف فما بالك وقد تحدث ديننا عن حقيقة وجوده وعن امكانياتهوقدرته على اذى البشر كنا نخاف من المخطوطة لأننا نرى ان امكانية حدوث اذى لنا من قبل الجن ليس مستحيلا تماما بل واردانت متأكد من وجود الجن حولك طوال الوقت وانت نائم وحدك في غرفة مظلمة وانت في الحمام وانت في كل مكان لذا تقرأ المخطوطة وانت تتلفت حولك خائفا داخلك وان كنت رابط الجأش من الخارجاذا اساس الرعب هو كون المخطوطة رغم الخيال بها الا انها واقعية في خطرها حتى نأتي للجزء الثالث لنجد استغراق كبير جدا في الخيال قضي على اي رعب ممكن وتحول الموضوع الى رواية عادية تقرأها دون ان يهتز لك طرف بنانهذا الخيال تركز في شخصية طه الذي لم استسغ وجوده او دوره اطلاقا في الرواية ولا قدرته مع الجن اوجهازه بصراحة انا لم استسغ اي شئ عنه ولم اقتنع بدوره الذي جعل الرواية تترك ادب الرعب لتتجه للخيال العلميثانيا لم احب اطلاقا ادخال سيدنا سليمان وداوود وحكايته مع الجن وبناء احداث خيالية عليها لمن يريد ان يعلم عن اصف بن برخيا من المنظور الاسلاميhttp://fatwa.islamweb.net/fatwa/index...وثالثا وهو الاهم ما هذا الذي حدث في النهاية بحق الله ؟ما سبب هذا الاختصار وانهاء الثلاثية في صفحة او اثنتان بلا اي تفاصيل رغم الاغراق في التفاصيل على مدار الثلاثيةالنهاية كما نقول بالعامية اتكروتتلم يكن موفقا في النهايةسواء في اسلوب العرض المختصر كما قلت مسبقا او في المضمون نفسه لأن من كسب الحرب هم العفاريت وطه وانا لم احب ذلك اطلاقا بل كنت اريد ان يكون الابطال الذين اعتدناهم هم من يكسبوا الحربلم اجد فائدة لأستيقاظ يوسف من عدمها ولم اجد التأثير المطلوب لأستيقاظ بطل الثلاثية الذي بدأ كل الاحداث بل تم الموضوع وكأن شخص ثانوي قد استيقظلم افهم لما قتل العفاريت جميع المتحاربين فأنهم كما ذكرت احداث الرواية لا يحتاجون لأثبات قوتهم فالجميع يهابهم وقد كانوا يستطيعون اثبات قوتهم بقتل العدو فقطلم افهم كيف يكون الحي بن قصاب هو اصف بن برخيا وهو مولود بعده بمئات السنين ان لم يكن الاف السنين هل هو تناسخ ارواح مثلا لم افهم واذا لم يكن اصف بن برخيا هل لكونه قال الطلاسم ووضعها على جسده ووجد مكان العفاريت هل هذا كافيا ليعتقده العفاريت اصف بن برخيا !! واذا لم يكن اصف بن برخيا لماذا هو الوحيد الذي ولد لجن متحول ؟والكاتب لم يوضح شيئا من ذلك وهذا على غير عادة حسن الجندي الذي اعتدنا ان يوضح لنا كل احداث الرواية تباعا مهما اكتنفها من غموض المزايا :-اولا رغم العيوب التي ذكرتها الا ان حبكة الرواية معقدة وتدل على مدى اجتهاد الكاتب في توليف كل ذلك معا وهذا ليس غريبا على حسن الجندي بل هذا هو المعتاد منه فهو بارع في الحبكات المعقدة ثانيا رغم ظهور حامد بمظهر الابله حتى انه قد ذكرني "بحزلقوم " الا ان ذلك اضاف بهجة وخفة ظل للرواية كانت لطيفة ومنعشة ثالثا اعجبت جداااا بقصة مهران منذ بدايته كطفل وهي افضل ما في الرواية من وجهة نظري كانت حكايته مشوقة مثيرة غامضةتجبرك على استمرار القراءة دون راحة حتى تعلم ما السر الذي حول الغلام مهران الى قاتل خبيث كما ظهر في الجزئين السابقيناحببت الشخصية جدا واعتقد ان حكايتها وحدها تكفي رواية منفصلةواخيرا حسن الجندي افضل كاتب رعب شاب من وجهة نظري وما انتقادي للرواية الا لأني انتظر منه الافضل دائما ورغم بعض تحفظاتي على الرواية الا انها ممتعة في حقيقة الامر حتى انهيتها في جلسة واحدة

  • Hadeer Hatem
    2019-05-30 03:02

    ^_^ <3 الواحد مش عارف يقول ايه ولا ايه :D هو اه لغويا مش اوي :D ودي الي خلتني انقص نجمه ! بس الروايه نفسهاتحفه وخصوصا الجزئين العائد والمرتد اكتر جزء عجبني الجزء الخاص بشخصيه حامد و رحيم <3 انا بدأت اقتنع واصدق ان الجن ممكن يبقو طيبين لدرجه اننا نصاحبهم عادي xD وصدقت انهم بياكلو باميه :"D وفي منهم زملكاويه واهلاويه وعارفين الريس متقال :D ! وبيجيلهم إسهال xDDDD (حوار الاسهال والباميه في المرتد ) النهايه عجبتني وعجبني السيلفي الي في الاخر <3

  • ♤°◦كَـوْكَب◦°♤
    2019-06-04 08:55

    الخاتمه . .يالها من تجربه بدات بعدم اهتمام بل وسخط علي اسلوب الكاتب وتطورت الي النظر الي الروايه من حيث كونها تستحق القراءه بل والاستمتاع باـالكثير من الاحداث الوارده فيهاالفكره : الروايه كلها بتدور في فلك العالم الاخر الي مش عارفين فيه حاجه واغلب اللي نعرفه عنه انه ان شويه دجالين بيضحكو علي الناس بما يسمي السحر والاعمال وما الي ذالك لكن اللي بيتعمق شويه في المووضع هيلاقي انه عالم تاني لا يختلف عن عالم البشر من حيث الحياه والتناسل والثواب والعقاب بل والاديان السماويه ايضا من هنا اخذ الكاتب الفكره وبدا الشغل عليها بدايه من اول جزء عن طريق صدفه يلاقي شاب اسمه يوسف نفسه في سور الازبكيه بيشتري كتب يقع قدامه مخطوطه قديمه تحتوي علي رموز والفاظ غريبه لا يعلم لها معني فيبدا الفضول ينتشر داخله لمعرفه محتوي تلك المخطوطه مرورا بكل الاحداث اللي اتت بعد ذالك الكاتب قدر انه يسلسل الاحداث دي بشكل ملفت جدا حيث انه جعل القارء غير ملم بالاحداث فبدا بالاعراض عن الروايه ثم شده اليها دفعه واحده من حيث وضع معلومات جديده خلق شخصيات باحداث جديده كل كام شخصيه مع بعض يكون لهم مجال حديث ومواقف مختلفه لكنها في الاخر تتجمع وتصب في الفكره الاساسيه واللي بيها يكتمل العمل الروائي كما ارد له الكاتب ان يكون الشخصيات.:في الجزء الثالث ظهرت شخصيات كان لها دور ف الاجزاء السابقه ولكن طلع لها جزور اخري زي طه ابن عباد سيد الغرفه النحاسيه صاحب الافكار الرهيبه في تحويل المجال الكهربي الي ما يشبه الطاقه التي تماثل طاقه تكوين الجان واللي كان له الدور الفعال في الحرب بين عوالم الجن و زي مهران واللي هوا في الاساس يسري دكتور التاريخ في جامعه اصدقاء يوسفظهور شخصيه اخر مثل اصف بن برخيا واللي تقمص شخصيته مهران ذالك الكائن الذي ينتمي الي عالم الانس والجن وباقي الشخصيات التي كانت موجوده من قبل تم وضعها باتقان شدي ادي الي خلق روح تنافسيه وصلت بالعمل الي افضل صوره ممكن الخاتمه :ودي كانت اضعف ما في العمل الروائي كله لان الكاتب اختصرها جدااا وبعد ما كانت الثلاث اجزاء بتحكي عن الحرب الدروس بين المخلبي ويصفيدش واللي هيحصل بنهم اختار الكاتب نهايه سريعه بدخول اصف بن برخيا مسيطر علي القوي الاعظم وهي عالم العفاريت لينهي الصراع بين الطرفين ويكون هوا سيد عالم الجن وفي الجهه الاخري يكون يوسف قد عاد لحبيبه وحازم وعماد كلا في حياته ورقيه الي اسلام واخيرا العنصر المبهج في الروايه حامد الي صديقه من الجن رحيم . .

  • Basant Kamal
    2019-05-29 06:42

    مش مصدقة اني خلصت ثلاثية حسن الجندي ايه الجمال والروعة ديالجزء الاخير مش رعب قد ما هو مليان بالاحداث والمفاجآت ماتملش وانت بتقراشخصيات كتير كلها متشابكة مع بعضها بجد انت رائع

  • Moataz Ibrahim
    2019-06-09 05:58

    العائد. آخر كتاب من ثلاثية مخطوطة ابن إسحاق. الكتاب اتأخر كتير بعد صدور أول جزئين منه، وبالتالي لقارئ كسول زيي، قضيت وقت صعب بحاول ألملم الأحداث الماضية.تحسن مستوي الأحداث عن الجزئيين اللي فاتوا يمكن يشفع شوية للكاتب في تأخيره للكتاب.لكن تظل مشكلتي مع الكاتب أسلوبه ودار النشر المهملة. أسلوب الكاتب - رغم تحسنه - يظل يعطيك انطباع إنه أسلوب شاب في الإعدادية أو الثانوية لا يملك مهارات اللغة. وده شيء لو كان اتحسن، كان هيتركنا أمام عمل أكثر روعة بمراحل.مافيش دراسات نفسية للشخصيات، الرواية تعتمد بصفة عامة علي الأحداث وتتابعها. أسلوب تقطيع المشاهد أحيانا - كثيرا مش أحيانا بس مش مشكلة يعني - بيبقي في غير موضعه لدرجة بتقتل الأحداث مش بتزيدها شغفا.ماقابلتش مشكلة شخصية مع خلط روايات الإسرائيليات والعهود السليمانية مع الأثر والاستشهاد بالقرآن. لكن كان هيبقي أفضل لو ماتمش نسب العفريت اللي تم ذكره في قصة سليمان العرش للعفريت اللي أخذ نصوص آصف بن برخيا، كان هيبقي "أسلم" لو قيل إنه أحد نسله وهكذا.ثم تأتي مشكلة النهاية اللي ممكن تتلخص في كلمة واحدة هي "كروتة". الكاتب بيؤهبك طوال ثلاثة أجزاء إن هتبقي فيه معركة بين الجان تؤثر بشكل بالغ علي العالمين. حاجة كدة تحسها جاية من أسلوب مايكل باي أما دمر نيويورك في معركة مابين الديسبتيكون والأوتوبوت. لكن في النهاية تلاقي العفريت إياه يروح يخلص علي الكل وتوتة توتة فرغت الحدوتة، ويلّا ناخد سيلفي مع بعض. النهاية كانت محتاجة أحداث أكتر من كدة بكتير، لإن في النهاية أدب الرعب بيشترط إن القارئ يخلص الكتاب ويحس إنه شبعان، مش تقوّمه بمعدة فاضية بعد ما عشمته بكيلو ريش من واحة خطاب مثلا.السلسلة نفسها تصلح سيناريو لفيلم فانتازي قوي جدا، بشرط مايبقاش فيه حد من المشاهير يدمروه بسماجتهم المعهودة وغرورهم وإنعدام موهبتهم في التمثيل. وبرضه ماينفعش معاه أسلوب هوليوود لإن ماحدش هناك عنده إستعداد يخاطر بفيلم أبطاله عرب ومافيهوش أجانب يعني.دار النشر بطباعتها الرديئة وقلة مصححيها عاوزين ريفيو مستقل للهجوم عليهم.بالمناسبة، شخصية "طه" قريبة جدا من شخصية "محمود" في سلسلة "ملف المستقبل" لنبيل فاروق. ضاع في نهر الزمن، وبيشوف اللي حصل واللي هيحصل في آن، وعبارة عن طاقة، وبيضحي بنفسه علشان الرفاق.كنت متوقع أكتر، بس كالعادة سنكتفي بالمتاح ونبرز الأخطاء.

  • Amina Helmy
    2019-06-02 10:05

    طبعا واضح ان اللغه و الاسلوب احسن من الجزء الاول و التاني . لكن كنت منتظره حاجه اقوى من كده . انا بالنسبالي الجزء التاني افضل كان مشوق اكتر . لكن الجزء التالت كنت تايهه في كثره الشخصيات بالاضافه لقله الاحداث المشوقه . لكن المخطوطه مجملا عمل رائع

  • Sarah A. Salem
    2019-06-14 06:47

    في البداية كانت الأحداث تمضِ ببطئ شديد، لا أعلم ان كان هذا الشعور بسبب انقطاعي عن القراءة لفترة طويلة أم أن الرواية فعلًا كانت مملة في بداية أحداثها.. ولكنني أحببتها بعد أن بدأت الأحداث تتسارع وقد نسيت معها أن ألتقط أنفاسي.. ويتملكني الآن الحزن لتسرعي في معرفة الأحداث 💔 وبعد مرور أربع سنوات منذ أن قرأت أول جزئين للثلاثية، ها أنا ذا أنهيها❤️شكرًا لك كاتبي العزيز على تلك الثلاثية الجميلة التي بدأت معها بالدخول لعالم القراءة لأول مرة والتعرف عليه من خلالك، وقد عدت مجددًا بعد انقطاع 😊❤️

  • Shaimaa Gamal
    2019-06-23 06:56

    واخيرااااا خلصتها واعتقد اول ريفيو للروايه .. لسه قافله الروايه دلوقتي وحاسه ان دماغي مش عارفه تفكر كميه معلووومات رهيييييبه انا عن نفسي بحسد حسن الجندي علي انه قدر يوصلها وكان الله ف عونه ع انه خد الفتره دي كلها عشان يطلع روايه ممتااااااازه بالشكل ده من احسن الحاجات في اسلوب حسن الجندي انه بيقدر يدخلك في الروايه مع ابطالها مش هتقدر تسيب الروايه الا اما تخلصها المعلومات كتييير ومش ممله بالعكس مشوووقه جدااالو عليا عايزه اقراها تاني وتالت ورابع وعاشررساله لحسن الجندي : شوقتني للعالم ده جدا وربنا يستر ويفضل شوق وبس ومنتظره ندوه المناقشه بفارغ الصبر عشان فيه مليون حاجه عايزه اتناقش فيها ...

  • Maha
    2019-06-21 08:45

    تقييمي للجزء الثالث والأخير 3.5, ودا ليــه؟الحقيقة كنت متخيلة الجزء دا حايكون أقوى جزءأولا فين الرعب فى الجزء دا؟؟ثانيـا إيه النهاية دى؟ ليه بسرعة كدا الاحداث جريت فى النهاية؟ثالثا في بعض الأجزاء كنت بحس انها ملهاش لازمه اصلا فى الرواية غير انها طول أحداث!كنت اتوقع عمل افضل من حسن الجندي حقيقةًعجبتني روح الفكاهه الى بيتمتع بيها حامد :))بالتوفيق فى العمل القادم ^^

  • Samar Elbaz
    2019-06-02 09:10

    يااااااااااااه يا عبدالصمد..لقد هرمنا من اجل هذه اللحظه..اول روايه عن عالم الجن محسش فيها بالهبل.....الجن ظهروا زي البني ادمين بالظبط عندهم نفس الشخصيات والميول..مخطوطه ابن اسحاق كان فيها سقطات لغويه رهيبه.تداركها حسن بن الجندي في المرتد ووصل لذروه التطور في العائد....فعلا الكاتب المجتهد دايما بيطور من اسلوبه فكره مدينه الموتي الجديده هي اللي غفرت ركاكه الاسلوب واللغه...وباجتهاد حسن انتزع الاستحسان في العائد...الغلاف...صوره حسن احسن تعبير عن العائد..فهو كاتب مجتهد غاب طويلا وعاد في اقوي حلله...الثلاثيه كلها فيها اسقاطات سياسيه رهيبه..وخصوصا مشهد النهايه في العائد...دكتاتوريه العداله....عشان تبني علي نضيف هد وامسح كل الفساد الاول...علي الرغم من بشاعه الفكره...بس حقيقيه....العائد..... تثبت ان حسن الجندي ملك الرعب بلا منازع.......

  • Elbosna
    2019-06-19 10:02

    العائد…… للاسف الكاتب مقدرش يروي عطش الانتظار كنت متوقعة انها تكون اقوى من كده بكتير بس ده ما حصلش ، تقريبا الكاتب افتكر ان اي حاجة هيكتبها هتعجب القراء وخصوصا بعد ما الجزئين الاول والتاني حققوا نجاح كويس لو كان اكتفى بيهم كان احسن من الجزء ده الملئ بالاخطاء سواء طباعة او اخطاء ف الشخصيات ندمانة اني دفعت فيها فلوس ،لو كانت نزلت ف اول ميعاد تم تحديده للنشر كان ممكن اعذر الكاتب لكن بعد ما اعتذر عن التأخير وارجع السبب ف ده انه بيعيد كتابتها او مراجعتها عشان تليق بمستوى القراء فاانا شايفة انها لا تستحق كل هذه الفترة وللاسف ما اشبعتش رغبة الاستمتاع جوايا. لم اقرأها الا لانهاء ما بدأته

  • Ahmed
    2019-06-19 04:08

    في رأيي كانت هذه الملحمة تستحق نهاية افضل من هذه..النهاية كانت سريعة ومفائجة وكأن كل هذه الاحداث من ازمنة مختلفة واماكن مختلفة قد اجتمعت فجأة لإنهاء الروابة بصورة سريعة..خيال خصب واسلوب جيد وغموض رائع محيط بالاحداث..لكن للأسف جائت النهاية مفاجئة جدا في ذروة الاحداث..مع تحسن الاسلوب واللغة اتوقع نجاحات اخري للكاتب المميز..

  • Sameh arafa
    2019-06-26 07:52

    الراوية حلوة جدا وممتعة و التشويق موجود مفيش كلام بس حاسس ان الكاتب زحم الاحداث اوي و من كترها النهاية جت علي غفلة حسيت ان الشخصيات بهؤت منو فجت النهاية بالشكل دا و دا جة علي حساب شخصيات ذي الشيخ محمد اللي معملش حاجة تقريبا في النهاية رغم وجودوا فيها و المأمور اللي حاسس انو ملوش لزوم اوي ...مجهود كبير من حسن الجنديكان فاضل تكة و تبقي علوضعها

  • جوجو
    2019-06-10 06:10

    هى العائد هتنزل امتى

  • مصطفي سليمان
    2019-06-21 04:53

    يحتوي الريفيو علي قدر كبير من الهري والتنظير والكلام اللي مش بيأكل عيشوكنت بتسيب المحاضرات بسببه وبتقلب المحطة لما بتسمعهوجب التحذير شكراالتقييم علي جزئينالجزء الاول هو خاص بالجزء الثالث بس الكتابة تحت ضغط شئ عظيم جدا وغالبا ما ينتج عنه اعمال جيدة ، لو الاساس جيدلسبب مجهول ايماني الشخصي ان الرواية دي لم تكن لتكون ثلاثية بأي حال من الاحوال ايه الدليل علي دا؟الجزء الثالث دليل كافي بالنسبة ع دالما يبقي الجزء الثاني هو تمهيد بشكل واضح للمعركة الكبري وكل الشخصيات يتم فردها واعطائها المساحة الكافية للظهور ويجي ف الجزء الاهم *يبقي اول 250 صفحة الاحداث صفر*صفر من حيث تضافر عناصر الحكي والشخصيات واستمرارية القصةيبقي فيه مشكلة حقيقةالجزء الاخير من الرواية كان سئ ، الحلول تقدم ببساطة و بتسرعهل دا ليه علاقة بضغط دار النشر؟القراء؟معرفش ولا يهمني ف النهاية المنتج النهائئ هو اللي يسئل عليهوالمنتج هنا لم يكن ف اطاره الصحيحخلينا نفكك القصة من حيث العناصر الاساسية كداالفكرة هنا قائمة علي الحرب ما بين المعسكرينهل ف احداث القصة هنا اي حروب؟القسم الاكبر كان عبارة عن فلاش باك للقصة مهران واسماعيل الحلاجدا فاد الصراع؟طور من الحبكة؟لو شيلته خط مهران كله علي امتداده ما مدي تأثر القصة ؟خط المأمور؟الجزء دا داخل علي الفصل الثالث الفصل الثاني كان الذروة هنا الاحداث كلها مفرودةلا تم ترك دا وخلق عدة خطوط فروع و شخصيات جانبية دون اي معني رقية مثلا استخدام بس ك اداة ذاكرة ومعادل انثوي ف القصةطيب هل النوع دا من القصص يحتمل الهري والتنظير اللي انا بقوله؟بالنسبة لي اهحتي البوب آرت يستحمل اهمية الذروة وتضافر العملو وحدة الحدثومدي اهمية بناء الشخصيةودي مشكلتي الاساسية مع الجزء دا كميات الفلاش باك وكميةاالشخصيات اللي ظهرت بشكل مجاني اضرت بالشكل النهائئ الحرب اللي اقصدها مش انه يكتب المعركة لاالشخصيات الاساسية صراعها هو دا الاهم قصة مهران فالجزء دي بلا اي معني حقيقيتخيلها معي مقسمة علي الثلاث اجزاءوتفعيلها الجزء الاخير ف النهاية لم يكن جزء اخيركان جزء للحكي اكثر منه استكمال السلسلة وللانتهاء من الثلاثية بشكل نهائئالجزء الثانيهل كانت تستحق ان تكون ثلاثية؟الجزء الاول هو الاضعف ادبياالجزء الثاني هو الاقوي من حيث كافة النواحيالجزء الثالث هو نهاية وفقطالاحابةآه تستحق لكن من البداية كان يجب ان يكون الأمر محسوم انها ثلاثية اشك كثيرا ف موضوع ان الامر كان مقرر له اجزاء من البدايةاعتقد دا للاسباب منطقية بالنسبة لي اولا :بناء الشخصياتالشخصيات الاساسية تغيرت في كل جزء وبالتالي البناء تغير ف كل جزء وبالتالي يكاد يكون كل جزء شبه مستقلدا مضرهنا ف الحالة دي تحديدا اه ، للان اصبح عندي اكثر من شخصيات تظهر دون اي مبرر حقي ومنطقي غير انه حل سهل ولطيفالشيخ صديق يوسف حقيقي ايه دوره؟رقية؟حبيبة؟مهران ف الجزء الاخير بس؟طه ؟دا بالنسبة ليا مؤشر ان الحاجات دي طرأت علي المؤلف ف الكتابة لا توجد شبكة علاقات واضحةوشبكة العلاقات لا تقف عند المعني مين مع مين لاشبكة علاقات الشخصيات هي الاهم علي الاطلاق للانها ستحدد البناء الدرامي بشكل واضح ومحدد وهنا ما حدث الاقرب لتخيلي هو بناء الشخصياتومحاولة ربطهم ببعضتاريخ الشخصيات :لو مسكنا الشخصيات كل شخصية ع حدي وفردنا خطها علي امتداده هنلاقي مشاكل كتيره جداالمعلومات قدمت بشكل اما مجاني او ف اطار تاريخي تعريفي بالموضوعودول طريقتين من الممكن بشدة ان يضعفوا البناء الدرامي بشدة للان هيبقي عندك شخصيات مايعة مالهاش اي تاريخ ف ممكن تركب ف اي حاجة وتظهر و تختفي للاي سببالبناء الدرامي :بداية - وسط - نهاية+أسلوب سردالجزء الاول شرحناه الجزء التاني مقدرتش استوعبهفكرة كسر الحائط الرابع والكلام مع القأريانضبط كثيرا ف الثاني و الثالثللانه كان مضر بشدة ف الجزء الاول واقرب لركاكة لو بصيت علي هاري بوتر او ثلاثية ميلينيوم وبصيت علي البناء الدرامي واسلوب السرد والشخصيات هتفهم اقصد ايهف النهاية بعد الهري و التنظير دامشكلتي مع الثلاثية دي ان حسن الجندي موهوب وافكاره جيدةلكن لازم يبقي حر تماما وغير ملتزم باي ضغط سواء للمبيعات او للقراء او لدور النشرالتزامه بشغفه هو وبس

  • Menna Lotfy
    2019-06-26 09:11

    العائد الجزء الاخير من ثلاثية مخطوطة ابن اسحاق اللى سمعت عنه كلام كتير جدا من قبل ما اقراه !!خلينى اقول انى خلصت الثلاثية كلها فى 12 يوم الجزء الثالث لوحده اخد منى 6 ايام يعنى النص ليه ؟بصراحة الجزء ده ممل جدا فى احداثه غير الجزئين اللى فاتوا خالص من الرواية وده اللى خلانى معنديش شغف انى اخلصه بسرعة ذى الجزئين اللى قبليه طيب هل كانت النهاية مرضية ؟لاء و100 لا النهاية معجبتنيش وخلينى اخفى رايى عشان اللى لسة مقرهاش (view spoiler)[الجزء الثانى كله تمهيد لمعركة هتحصل فى عالم الجان هتأثر بشكل كبير فى عالم البشر .. ربما انا اتخيلت انى هشوف معركة دامية ومحاولات صعبة للفوز .. ربما رسمت نهاية مرضية اكتر من كده فى خيالى واتصدمت!! النهاية مرة واحدة تخليك تتصدم وتكره دماغك والوقت اللى قضيته بتتخيلها فيه بس ده ميمنعش انها كانت نهاية مفاجئة رغم انها غير مرضية تماما وحط تحت غير مرضية دى 100 خط (hide spoiler)]اما عن الشخصيات :مقدرش اخفى ان اكتر شخصية عجبتنى فى الاجزاء كلها هى شخصية حامد اللى واخدة كتير من حسن الجندى رغم ان غلاف الجزء ده بيقول العكس طبعا اللى قرأ الجزء هيفهم قصدى !!(view spoiler)[شخصية كمان عجبتنى جدا وهى شخصية طه الشخصية العبقرية اللى بتظهر فى الجزء الاخير ويكون معاها الحل .. ادهشنى شرح جزء الكهرباء وحسيت فيه اد ايه حسن الجندى تعب فى الجزء ده كمان مقدرش انسى الجزء بتاع عودة الحي بن القصاب اللى هيكون حلقة الوصل بين الجزء الاول والتالت .. الشخصية دى عجبتنى بشدة رغم انها اثرت على الرواية وخلتها كروتة من وجهة نظرى بس ده ميمنعش اعجابى الشديد بيها خصوصا دافع الانتقام اللى خلاه فى الاخر يحسم المعركة عشان يحصل على اسماعيل الحلاجدافع الانتقام دايما بيستخدمه حسن الجندى وبصراحة هو بارع فيه فبعد الجزار اقدر اجزم انه برع فيه اكتر فى شخصية طه والحى بن القصاب (hide spoiler)]هتسألنى ليه قيمت الرواية باربع نجوم ؟سهلة بص يا سيدى بصراحة الرواية بتفتح عالم كبير للبحث وراها شخصية ذى اصف بن برخيا ومزامير داوود - العهد السليمانى واسم الله الاعظم .. كل دى حاجات تخليك تدور وراها بشغف عشان تعرف الحقيقة فين والكلام ده صح ولا غلط وخصوصا حد ذيى علمى الدينى مش كتير من يوم ما خلصت الرواية وانا بدور فى قصة سيدنا سليمان فى القران وتفسيرها خصوصا وان اصف بن برخيا اسمه متذكرش فى القران صراحة .. مريت على العهد القديم واتصدمت لما عرفت ان القصة كما ذكرت فى القران مذكورة فى التلمود "الكتاب اللى بيؤمن بيه اليهود وهو كتاب مش سماوى" الغريبة ان التوراه ينقصها كتير من القصص اللى وردت عن سيدنا سليمان فى القران ولكنها موجوده فى التلمود الموضوع ده فصلت ادور فيه اكتر وعرفت من خلاله اختلاف قصة سيدنا سليمان فى الاديان السماوية التلاتة وان مش التلات اديان مؤمنين بنفس القصة كاملة المسلمين مش مؤمنين بالهيكل المسيحيين مش مؤمنين بتسخير الجن والريح لانه لم يذكر فى العهد القديم اليهود القصة كاملة عندهم ذى ما ذكرت فى القران موجوده فى التلمود مش فى التوراهفى حاجات تانية كتير ممكن تدور فيها وهتلاقى نفسك فى بحر من المعلومات ده غير اسم الله الاعظم قريت عنه انه فى المسيحية "يهوه" وفى الاسلام موجود اعتبره الكثير من العلماء واسندوه الا احاديث انه "الحي القيوم" والله اعلم حاول تدور فى الموضوع ده كتيرخلينا نرجع تانى للرواية :ايه علاقة اسم المذبحة اللى حفظه قرين يوسف للشيخ محمد عشان يحمى بيه اصحابه فى الجزء التانى باللى حصل فى الجزء التالت ؟مدينة الموتى اللى ظهرت لاتنين من الصعيد راحت فين ؟(view spoiler)[لوهلة حسيت انهم العفاريت بس لما ربطت الاحداث ببعضها رجعت فى رايى (hide spoiler)]الجزء ده ناقص كتير عن اللى قبليه من الاخر كده لولا ان الجزء ده فتحلى باب من البحث فى الاديان ووراء شخصية دينية مهمة ذى اصف بن برخيا كنت قيمته ب 3 نجوم (view spoiler)[لما الجن كلهم ماتوا الحى بن القصاب هيحكم مين :D (hide spoiler)]ريفيو الجزء الاول :https://www.goodreads.com/review/show...ريفيو الجزء التانى :https://www.goodreads.com/review/show...