Read أهرام الجمعة by Nabil Abd El Hamed Online

-

ديوان بالعامية المصرية مُغَلَّف في جريدة ذات طابع خاص لها الكثير من الذكريات في أذهان البعض .. أو على الأقل لدى الشاعر .. أهرام الجُمعة كانت مرحلة حياتية و ليست جريدة .....

Title : أهرام الجمعة
Author :
Rating :
ISBN : 9879773804300
Format Type : Paperback
Number of Pages : 230 Pages
Status : Available For Download
Last checked : 21 Minutes ago!

أهرام الجمعة Reviews

  • Osama Elhady
    2018-07-19 01:46

    يناير دائماً هو شهري المفضل عشان انا بيج فان لمعرض الكتاب من زمان وياما فلست بسبب الكتب اللي كنت بشتريها ومن صفحه ديوان أهرام الجمعة هنا انا بدعوكوا تفلسوا معايا عشان الديوان ده انت مش هتشتري نسخه واحده منه بس، لا انت هتبقي عاوز نسخه لعربيتك ونسخه للشنطة ونسخه تهديها للي بتحبهمانا شهادتي أكيد مجروحه لان نبيل صديق مقرب جداً عالمستوي الشخصيبس الديوان دا مختلف جدا.. وورقة جواه جُمل والفاظ جوا كل واحد فينا وحقيقية جداً .. كل دا متغلف بشويه نوستالجيا دمت مختلف يا نبيلأسامه الهادى

  • إبراهيم عادل
    2018-08-07 00:48

    أعتقد أن ديوان عامية الكلام عنه لازم يكون بالعامية برضو، وده بيحقق حاجتين، أولًا بيخلي الناس تقرا مقال بالعامية، وهمّا في الأصل مش متعودين على كده، وثانيًا بيخلي الواحد يتكلم براحته .. زي ما قرا الشعر البسيط الحلو اللي بيقول كل حاجة بانسابية نزول الماء كده .. لفترة طويلة أحجمت عن قراءة دواوين الشعر العامية، مش بس لأني مفتقد الشعر فيها أصلًا، ولكن لأن كتير منها بقى «شبه بعضه»، يعني نخلص من فكرة إنه «مش شعر أصلاً" .. نقع في ورطة التشابه، دي حاجة، الحاجة التانية إنه نادرًا ما بقيت تلاقي شاعر مهتم باللي بيكتبه لدرجة إنه يعمل فكرة ويطبقها بحذافيرها في ديوان «مشروع» يعني، الديوان ده فرصة حلوة جدًا إن الواحد يحط جنب الكلام أفكار، لاسيما إذا كان السوق مليان كلام متقال ميتين مرة! هّوا ده تحديدًا اللي عمله شاعر «مُحترف» اسمه «نبيل عبد الحميد»، اللي تقريبًا كده ولا عمل حفلات توقيع ولا بيست سيللر ولا أي حاجة، يدوبك ديوانه التاني نزل منه طبعة تانية في الهدوء والسكينة، ولكن الديوان ده فعليًا من النوع اللي يخطفك، امممممم من إمتى بقى، من أول العنوان الذكي، نقول في الأول إن «نبيل» مش مجرد شاعر، أو مش شاعر بس يعني، هو شاعر و«مهندس» ويبدو إن «الهندسة» دي بمدلولها في الفصحى زي العامية بالضبط، بتأثَّر على روح وتركيبة من يمتهنها، فيبقى حتى في شعره «مهندس».. وده مش مجرد كلام، وإنما من الصفحات الأولى للديوان هيظهر بوضوح، من فكرة كتابة ديوان على هيئة جريدة، واستغلال أبواب الجريدة الثابتة لكتابة قصائد بحالات تشبهها، مش بس كده، ده حتى التصميم الداخلي فيه «هندسة» والجميل طبعًا إن كل المجهود ده مش ع الفاضي، وده الأهم، لأن الديوان فعلاً معبأ بحالات شعرية فريدة من نوعها ومكتوبة باحتراف وبساطة من جهة أخرى، الديوان بيبدأ بـ«أخبار الصباح» وبعدين «مانشيتات» وبعدين «أخبار سريعة» و«تحقيقات ميدانية» لغاية «حدث في مثل هذا اليوم» و«حظك اليوم» اللي بيتكلم فيه عن «الأبراج» ببراعة و«الكلمات المتقاطعة» وده كله مش جي في الديوان عبثًا وإنما بيتم توظيفه داخل نصوص الديوان بشكل جيد جدًا، ولا يقتصر الأمر على «أبواب الجورنال»، والحالات اللي في القصائد الخاصة بيه، ولكن يتشعب الأمر إلى اختيار مقدمات لكل باب تحوي مع اللقطة الشاعرية اختصار ذكي للحالة، وطبعًا الكلام النظري ده كله مش هيبان إلا بنماذج تطبيقية من الديوان، يعني مثلاً بيقدم فصل يسميه «اهتمامات الناس» برصد حالة التغير اللي بتصيب الجيران والبيوت: - See more at: http://elyomnew.com/articles/37959#st...

  • Salemeltahan
    2018-08-01 04:23

    نـرجع ونقـول تـاني .. مصر جابـت في الشعر العـامي في عـصر ما بعد الثورة اتنين : مصطفى ابراهيم ونبيل عبد الحميد .. الكتاب يستاهل اكتر من خمس نجمات .. يكفي انك بتقرا كتاب نبيل من غير ماتضطر تاخد نفسك .. ميزة يتميز بيها نبيل عن سائر الخلق .. تقرا شعره وكأنك بتشرب مية نازله من عين صافـية مفهاش شائبه واحده تعيبها .. وشكـل الكتـاب وفكرته المستوحـاة من أهرام الجمعه وبريد الجمـعه فكرة مذهلـة جدا .. حتى حـظك اليوم .. كنت بعدي على اصحابي اسألهم برجكم ايه .. واخليهم يقروا اللي نبيل كـتبه .. يقولولي تصدق صح !! .. نبيـل شكـرا لأنك موجـود في حـياتنا .. شكرا على أهرام الجمـعه .. في اشد انـتظار لديوان قادم أفضل وأفضـل

  • Hajer Tawfiq
    2018-08-11 00:37

    مبدأياً لو قارننا شعر نبيل عبد الحميد بأشعار العاميه في الوقت الحالي نبيل عبد الحميد يكسب إنما مُقارنًة بالشعر العامي في مصر بشكل عام فهو مقبول .. الكتاب كان بالنسبه لي دون المستوى لأني كنت متوقعه إنه أقوى من كده و قرأته لأني قرأت قصائد كلٌ على حدى للكاتب و كانت رائعه و منها حاجات موجوده في الديوان دهأفضل ما أعجبني قصائد .. " يا دوب 4 حروف - الناس حكايات - حماده - مذكرات أم حماده - الشفره لا تزال في جيبي - انبوكس - للأبد - سيلفي - بين طابور الخسرانين - تدابير - قد صدقت الرؤيا - زهد الحاجات - كنا سبعه - على ذِكرك - حارة الاموات - لم ينجح أحد - عزاء واجب - خيال الموت - هل هى حقيقيه - أصوم لكن - خلبوص - الهروب جائز شرعاً - المسافات - هتتحول - الدنيا مش حظوظ - فلان إنتَ - فرق توقيت - زهايمر - تيجي فيك - يادوب تلحق - ضار جداً بالصحه - بطاردني - نبيل تاني - آخر كلام قاله - إشتراطات القبول - شبابيكي "أفضل الأبيات التي ستبقى عالقه بالذهن لمده لا بأس بها - حقيقي ؟ - مؤكد - ما يمكن !- يجوز - هينفع ؟ - نجرب- هتخرب- تبوظ- هنخسر- ما نخسرو بعدين ؟-نفوز - اهو لولا الضحك على همومناصدقني محدش كان عاش إضحك مجاناً ببلاشما يهمش فين أو مع مينمش عارف تضحك على إيه ؟اضحك على خيبتك يا حزينالعُمر معاد و مجاشو الصدفه تعيش و تجيبو الكُل مسيره يغيبو سنينه هناك تتبخرلكن هيجي له اليومو هييجي و لو متأخركل الوشوش عيرهكل الكلام ببلاشنجدتنا فينا احناو احنا ما بنشوفهاشكل الحروف فيها إعوجاج إلا الألفخليك ألف تبقى الوحيد المُختلفجاب دبلته الفضه بس النصيب صدّى كُل مشاكلي إن أنا ما بشوفش الناس شكلي !و ساعات بتمنى كتير إنيأرجع و أشوفني و أنا في سنيكام خط على شخبطهعلى دايره على منحنىعلى نقطتين تايهينتبقى النتيجه أنا

  • Ahmed Ibrahim
    2018-08-07 01:50

    بعد ما قرأت الديوان ده بحب أقول إن نبيل عبد الحميد بيكتب شعر، بالرغم من التفاوت في مستوى القصائد لكن ده شعر.ديوان تعاويذ لنفس الكاتب معجبنيش بس كنت شايف إن نبيل أحسن من غيره، عشان كده قررت أقرأله تاني وفي شخص نصحني أقرأ الديوان ده، والحقيقة إنه مخيبش ظني، الديوان جيد، يحتوي على بضع قصائد قوية، وأخرى جيدة، وعادية، وقصائد قليلة معجبتنيش.. طريقة عرض الديوان وتنظيمه الداخلي رائعة. فكرة إن حد بيعرف يكتب شعر عامي اليومين دول بتكون مبهجة، حتى لو مستواهم مش عالي ولكن جيد، زي: أحمد النجار، ومصطفى إبراهيم، ونبيل عبد الحميد، ودعاء عبد الوهاب.. محتاجين يطورا شعرهم أكتر وهيكون ليهم مكانة في تاريخ العامية المصرية.

  • Osama Abdelbary
    2018-07-30 03:25

    أقسملك بالله إنك عبقري.. كلمة شاعر دي تقريباً إتعملت عشانك أحسن ديوان من نُوعه بلا منازع ربنا يوفقك يامولانا ويزيدك تواضع وبقولهالك تاني .. إنت بتعمل من الفسيخ شربات دُمت مُبدع ♥

  • Ahmed Fathy
    2018-08-08 08:34

    كان لي الحظ اني قريت معظم قصايد الديوان ده قبل ما يطبع وبجد من احسن الحاجات اللي قريتها في حياتي تقريبانصيحة فعلا لكل الغاويين شعر ميفوتوش الديوان المحترم ده

  • محمد عبد الصابر
    2018-08-07 03:32

    "نبيل عبد الحميد ورَّط نفسه"قرأت للشاعر الجميل ديوانه الأول "قانون الدنيا الساخر" وكان ديوان جميل وتقيل وممتع وكان يحمل بين طياته الدليل على ان الاسم الموجود على غلافه لشاعر كبير ومتميز أما هذا الديوان "أهرام الجمعة" فأنا أراه يحمل المعني الحقيقي لكلمة "توريطة" لأنه بالاضافة الى كل مميزات الديوان الأول وبالاضافة الى انه أكثر نضجا وبالاضافة الى روعته وجماله وقدرته على الامتاع وحمله لقارئه الى سماوات الشاعر وخياله الثري فإن فكرته مميزة وفريدة جدا لدرجة تجعلني أراه مشروع متكامل قام صاحبه بالعمل عليه وأعطاه من الوقت والمجهود ما جعله يظهر بهذه الصورة المشرفة وليس مجرد ديوان ، واعتقد أن توريطة نبيل عبد الحميد تكمن في ان جمهوره ومريديه مش هيقبلوا منه مستوى أقل من ده في دواوينه الجاية .. ربنا يقويك ويعينك يا مولانا .. واحنا عارفين انك قدها وقدود .. وألف مبروك يا بطل

  • Marwa Eletriby
    2018-07-18 02:37

    عوده بعد انقطاع للشعر العامي . الديوان جميل، وفي بعض القصائدكانت جميلة بالفعل. يمكن لو كان الديوان أقصر قليلاً خاصة أن في قصائدأقل من قصائد أخرى.. . الا انه كحاله عامة ومجمل جيد. .

  • Abdel Jawad
    2018-07-17 05:23

    معرفتي بالفنان نبيل بدأت واحنا في الجامعة - اعتقد في سنه 1999/2000 - وكان نبيل ساعتها في سنه أولي هندسة مدني ... انا اعرف عنه انه فنان وفنان من الطراز الأول .... محلل .... خفيف الظل ... لماح .... ابن نكته ... مستعد انه يعمل تحليل لحظي لأي شخصيه او لأي موقف في وقت قياسي .... فيه من الصفات الجميلة مالا يمكن وصفه في كلمين ونص زي دول كده .... نبيل عنده من القدرات انه بكلامه ووصفه ممكن (يرفعك) فوق او يحطك تحت بتوصيفه الدقيق الذكي. شخصيه بتحمل الصفات اللي فوق دي لا يمكن تنتج شيء زي كتاب "أهرام الجمعة" ويكون مش علي اعلي مستوي من مستويات الجودة والاتقان. انا عندي عيب (عيوب بمعني ادق) وهو أنى مش محب للشعر وماكنتش متخيل أنى امسك كتاب شعر واقرأه بنهم واستمتع وانا بقرأه بهذا الشكل ... بل اقرأ منه مقاطع لزوجتي ... يعني كأنني أستمتع بشيء وعاوز أشارك الناس اللي بحبهم. انا جربت اقرأ بعض الصفحات بشكل عشوائي ... يعني افتح الكتاب واللي يطلع في ايدي اقرأه ... وده كان بهدف إني الاقي ثغره او حاجه دمها تقيل في الكتاب .... لكن فشلت.... فشلت إني الاقي سطر واحد بطعم غير مستساغ ... الكتاب كله مش ممتاز ... لا ده أكثر من رائع والأهم من ده كله انه لكل الفئات العمرية بس المهم يكون مصري او محب لمصر و جو مصر.الجانب السلبي الوحيد من وجهه نظري المتواضعة هو في شكل سؤال "هل الأخوة العرب (غير المصريين) ممكن يفهموا لهجتنا العامية؟" .... لو الإجابة بالنفي يبقي للأسف تحليلي صح وبكده هما مش هيستمتعوا بالكتاب زي ما انا استمتعت بيه وبالتالي عليهم انهم يتعلموا لهجتنا او ان اخويا نبيل يأخذ ده في الاعتبار في الاعمال القادمة ان شاء الله....نبيل ..... بالتوفيق .... ربنا يوفقك ويكرمك على جميع المستويات الاجتماعية والعملية والشخصية والأسرية و و ...أخوك الكبير / عبد الجواد مندي او كما يحلو لك (عبجواد)

  • Osama Mohamed
    2018-08-05 00:47

    علي الرغم من انني قرأت العديد من المقتطفات من الكتاب علي الأنترنت قبل شراؤة ؛ إلا انني ازددت اعجابا بالاجزاء التي لم اقرأوها ايضا . من اجمل الأشعار العامية التي قرأتها في حياتي ، وفكرة وتصميم الديوان او الكتاب هي غاية في العبقرية . نبيل عبد الحميد هو من الأشخاص الملهمين بكتاباتة لي علي الرغم من أنني لاأعرفة بصفة شخصية . من الذكريات اللطيفة انني اخترت هذا الكتاب ليكون رفيقي في رحلتي لثلاث دول وقرأتة ما بين النمسا والمانيا وبولندا .

  • منةُ الله
    2018-08-04 06:39

    عاوز تقرأ شعر وتستمتع، اقرأ لنبيل عبد الحميد. متابعتي له كشاعر عظيم جعلتني أصر على اقتناء ديوانه والذي أبهرتني طريقة عرضه المميزة جدا جدا؛ فهو لم يقتصر جهده على تجميع عدد من قصائده وإضافة بعض القصائد الجديدة ﻹمتاع القارئ، بل ابتكر طريقة ملفتة ومميزة عندما ربط الديوان بجريدة أهرام الجمعة وقام بتقسيم القصائد على هيئة أقسام.عملت بنصيحته وأبقيت الديوان بقربي لأستطيع الاطلاع عليه متى استطعت، وبالفعل في كل مرة يفاجئني بمنطق جديد يبهرني، فهو صاحب الفكر المميز القادر على تطويع الكلمات لتعبر عن الناس وعن أي شيء كان.

  • Wéam Ali
    2018-08-14 06:51

    أولا فكرة الديوان عبقرية في حد ذاتها من غير ما تبدأ تقراه. ثانيا، نبيل من الشعراء الي بتبتسم لما تقرالهم لأن تحس انه بيقول الكلام الي انت حاسه بس مش عارف تعبر عنه ده غير انه صادق في كلامه وبييجي عالوجع زي ما بيقولوا.ثالثا، في تفاصيل بتبقى مبهرة زي اخر صفحة كتب فيها "وآخر سطر في قصيدتي أكيد لازم يكون انتي"، unbelievable.الخلاصة ان ده من احلى الحاجات الي قريتها في حياتي ونبيل من اعظم الشعرا الجداد الي underrated. I strongly recommend it وربنا يوفقه ومن نجاح لنجاح .

  • Mahmoud Abdallah
    2018-07-26 06:36

    مبعرفش أكتب ريفيوز بس كل اللي عاوز أقوله اني لما بكون بره البيت وافتكر حاجة من الديوان بكون عاوز أروح بسرعه عشان أقرأ فيه شويه :)

  • hamdy boghdady
    2018-08-03 07:43

    بسم الله ...قبل المراجعة :قبل المراجعة عادة إذا قرأت شيء سواء كتب أو روايات أو دواوين أو خواطر ونصوص أو غيرهم "بالفصحى" ولا أحبذ العامية لا شعر ولا قصة ، لكن هناك أعمال تستحق ان تُقرأ بالعامية ، وفي مراجعتها تختلف عن الأعمال الأخرى بالتأكيد ولكنها تقرأ وتراجع وتقيم لأنها جزء من واقعنا ، بعض الأعمال سواء روائية ، قصصية ، أو حتى شعر بالعامية جيدة وذات هدف وجمال.المراجعة :كما في العنوان تقرأ "أهرام الجمعة" تيمنا بالعدد الأسبوعي من جريدة الأهرام "أهرام الجمعة" ووصفه له بأنه "أفيونة الجمعة" وأنه لم يكن حينها اليوم مكتمل إلا بهذا العدد وذكريات مع الكاتب والتي منها جزء كبير من بداية وعنواين أغلب القصائد بالديوان ومنها :-حظك اليوم-أفقي ورأسي-حظك اليوم-كلمات متقاطعه-وظائف خالية-بريد الجمعة - ما لم يكتبه عبد الوهاب مطاوع-عزاء واجب-عاجل-نعي---الديوان بالعامية المصرية ، يتناول عدة مواضيع منها عن الغربه والوحدة والصداقة والحبيب ، غيرهم.عدد صفحات الديوان كبيرة إلى حد ما في أشباهه يحتوي على 222 صفحة.استمتعت جدا بقراءة الديوان وكلماته الجيده وتشبيهاته المميزه وأسلوبه الجيد كذلك.في الديوان نفسه عدة أشكال بداخله فمنها قصائد كاملة ، منها رسائل قصيرة ، منها عدة جمل ، تقسيماته غريبة ، الفهرس متداخل بين الصفحات ، توجد في أكثر من مره تنبيها للعودة لأرقام صفحات كي تعرف أكثر عن القصيده!تجربه جميله ، استمتعت بيها في قراءتي لهذا الديوان.#حمدي_بغدادي

  • هبه عيسى
    2018-08-01 08:25

    نبيل عبد الحميد هو شاعري الأول والأ وحد على الإطلاق ، جذبتني قصائده وشردت بي حيث الفلسفة والتصاوير المذهله التي تختلف تماما عن اي حالة قد قرأتها او عايشتها في اي كتاب آخر ، الطابع المتميز المشحون بالمعاني في صيغ يستحيل ان تصاغ الا بقلم هذا العبقري النبيل عبد الحميد ، فبمجرد تصفح أهرام الجمعة ستسقط فورًا في عشق قصيده أو اثنتين او ثلاثة أو اكثر وتعلق كلماتها في عقلك حد الحفظ والترديد لبساطة تراكيبها وثقل المعاني الفلسفية فيها التي ترسخ الصورة في عقلك ، دائما سأقول وأظل أقول أن نبيل عبد الحميد هو شاعر الفلسفة الأول في مصر ، لأنه حاله متفرّدة لبوح ما لا يمكن أن يٰباح به ، ولا حيلة لك بعد قراءة كل قصيذة من قصائده الا أن تتنهد تنهيدة تخرج كل ما في جوفك من شحنات نبيل عبد الحميد ما زال في جعبته الكثير ، وشت لي قصائد ديوان اهرام الجمعة أن لها امتدادات أخرى ، ودواوين مستقبيلة ، باذخة الفلسفة كما عهدنا دوما من نبيل عبد الحميد ، لانني اعلم ان هذا الرائع لن يتوقف عن مفاجئتنا ابدا في كل قصيدة يكتبها ، وكل ديوان ، وكل حالة ، وكل صورة ،بدون مبالغة ،، ولن امل تكرار قول " ان هذا الشاعر هو شاعر العامية الافضل على الاطلاق في مصر"هبه عيسى

  • Ahmed Medhat
    2018-08-08 07:39

    حاولت تكون فُلان تاني حلمت تكون ‫#‏جرندايزر‬ ..حلمت بـ بدله و بـ شنطه وميديكال ريب من ‫#‏فايزر‬ ..حلمت تكون سوبرفايزور فشلت فـ كل احلامك لقيت ‫#‏عرّافه‬ قُدامكوقالت أد ما قـــــالــــت ..حاولت تكون فُلان تالت ..سيجار - ولاعه - كرافته ده فاضل ع السِتار حِته ..فـّ لو حابب تأدّي ‫#‏الدُور‬ ياريت حاول تكون ‫#‏إنــــــــتَ‬بجد يا مولانا مسبتش حاجه او احساس متكلمتش فيه ديوان شامل لكل المعاني والاحاسيس

  • Khaled Dwidar
    2018-07-21 04:42

    انا مبسوط انى شفت حاجة مختلفة ومبسوط انك اشتغلت على فكرة زى فكرة اهرام الجمعة ده غير تناولك لكل قصيدة وبساطتك فى الطرح والعمق اللى شفناه فى الديوان بتاعكاحييك احييك احييك الديوان ده من الدواوين المهمه اللى انا قريتها فى اخر خمس سنينبالتوفيق

  • Draziza Ali
    2018-08-06 03:30

    أولا النص رشيق و ممتاز يستحق جايزة اعجاز ..واعجبنى هكذا اقتباس:يحكى أن عزة نفسه هيا اللى جابتله القولونيحكى أن...كان مجنون ..!!..!!♣ ♣خليك ألف ...!!!تبقى الوحيد المختلف ☺ ♦ ♦جاب دبلته فضة .. بس النصيب صدى ...!!!♦ ♦

  • مصطفى منير
    2018-07-24 05:49

    ديوان عبقري بجد ! ...عشقت الأوزان و التنوع و فكرته الجديدة و كل قضية ناقشها ... نبيل عبد الحميد إنت أبدعت بجد ! إتكلمت في معظم حياتنا و اللي لسة هنشوفوا ... إنبهار مفيش بعده الصراحة ... عاش ... مستنيين جديدك إن شاء الله ؛-)

  • DrAhmed Afifi Seif El-nasr
    2018-07-31 03:42

    خلينى أقول ان أهرام الجمعة مش بس شعر محترم ده كمان أفكار جبارة ودماغ مهندس بصحيح :D أهرام الجمعة باذن الله أحسن ديوان فى 2015

  • Nada
    2018-08-04 04:21

    الديوان اللى مالوش حل ^_^مبدأياً اتبسطت بكل تفصيلة فيه انت مبدع

  • Aya Abed
    2018-08-01 04:27

    انا اقل بكتير من ان انقض ديوان زي ده كان بودي اكتب الديوان كله. quotes. هنا اسيبكم مع مقاطع من الديوان ليست اجملها ولكن اللي لمسني اللي جه ع وجعي ..

  • Mustafa Mahmoud Ali
    2018-08-03 07:28

    جامد

  • احمد محمود
    2018-08-16 01:25

    قصائد الديوان ليست قصائد مجمعة و"محشورة" في ديوان القصائد هنا بتتكلم عن مواضيع فعلا عن مواضيع الديوان تم تسميته تيمنا بأسم "أهرام الجمعة" اللي كانت معظم بيوتنابتروح تشتريه بعد الصلاة أسبوعيا :D الديوان مقسم بأسماء أشهر الأبواب بالجريدة وقصائده أقرب لموضوع الباب وعامة معظم قصائد الديوان هنا عن مواضيع ما الديوان فعلا إن الشعر أنقصه تقيما فالفكرة وتقسيمه تزيده مرة أخريفي كل الأحوال الديوان جيد ..

  • Sherif Algohari
    2018-08-10 07:27

    مفيش حد بيكتب شعر بالسهوله دي .. انت رائع في تطويع الكلمات لتخدم افكارك . . افكارك اللي هي في نفس الوقت الافكار اللي بدور في دماغنا .. بحس وانا بقرأء أشعارك انك قاعد جوه دماغي بتكلمني والله الديوان رائع واكثر من رائع ومش قليل عليك اننا نشبهك ب عم نجم أو اي شاعر من جيل العظماء داانا بس عاوز اقولك علي حاجه وصدقها : انت سبب من 4 اسباب بتخليني افتح الفيس بوك اه واللهاتمني ليك التوفيق دائما عشان تمتعنا بأشعارك

  • Mahmoud Atef
    2018-08-03 01:29

    مبدأيا الديوان رائع كفكرة وكتنفيذ النجمة الخمسة للأسف ضاعت لان فى عدد قليل من القصائد كان مستواها بالنسبة لمعظم الديوان ضعيف الى حد ما ودى فى حد ذاته شئ رائع ان يبقى أكتر من 90 فى المية من الديوان مستواه عالى جداأنا شايف ان مستوى م/نبيل تحسن كثيرا جدا عن قانون الدنيا الساخر اللى للأسف ماعجبنيش كله ودا بسبب ان ماكانش فيه فكرة مسيطرة عليه زى اهرام الجمعة كده لكن فى الاول والاخر دمت لنا مبدع يا باشمهندس

  •  MahmoudElmoustapha
    2018-08-10 02:22

    الفكرة العامة للديوان وأقسامه مذهلة، وتناول الموضوعات والأفكار جاء بشكل رائعنبيل عبد الحميد أحد أمهر الشعراء القادرين على تطويع اللغة العامية في سجع ممتع ومفردات جذابة وإيصال مضمونه بشكل سلس وبسيطيعيب الديوان فقط تكراره بعض القصائد جاءت في ديوانه السابق "قانون الدنيا الساخر"ولكن في المجمل جرعة شعرية ممتازةكأنني قرأت عدد جريدة الأهرام يوم الجمعة بشكل شِعري حرفيًا.

  • إيمان
    2018-08-07 06:22

    الديوان الاول على الجود ريدز اللى قدر يخطف منى خماسية عن جدارة و استحقاق ... مافيش قصيدة محبتهاش اجمالا او تفصيلا ، مافيش قصيدة مجاش فيها مقطع ملمسش قلبي فعلا ... التنوع الرهيب و طريقه عرض الديوان و تقديمته و تقديمة القصايد داخليا و الغلاف الخارجى حالة متكالمة من البهجة ... فى حاجات لو كترنا فى وصفها بتبوخ " اهرام الجمعة " ديوان مبهج على الرغم من الوجع اللى فيه ... تحية لنبيل عبد الحميد ...

  • Ahmed Saleh
    2018-07-26 06:47

    قليلا ما أقرا مثل الديوان فكرة مدهشة ومتعوب عليهااسلوب نبيل عبدالحميد السهل الممتنع من اول المقدمة وانا عمال اصقف قليل لما الاقي حاجة ضعيفة ف الديوان او حاجة متخلنيش اندهشالشعر من النوع الكلاسيكي نوعا ما بس نبيل عبدالحميد قادر يفرد لونه كويس عجبتني جدا قصيدة " مذكرات ام حمادة " من بساطة القصيدة وف نفس الوقت تصل لحد العبقرية اتمني ان يستمرر الابداع ..12-8-2017