Read Maestro: 'n Roman oor die vormingsjare van Gianlorenzo Bernini by Marié Heese Online

maestro-n-roman-oor-die-vormingsjare-van-gianlorenzo-bernini

Die beeldhouer en argitek Gianlorenzo Bernini is gebore in 1598. Hy was skaars tien toe beide sy pa en geledere uit die Vatikaan begin besef die jonge Bernini is geniaal – ’n kunstenaar wat in die voetspore van Michelangelo kan volg, of . . . selfs beter? Heese neem ons op ’n reis deur Bernini se lewe, vanaf sy grootwordjare totdat hy op die ouderdom van 41 in die huwelikDie beeldhouer en argitek Gianlorenzo Bernini is gebore in 1598. Hy was skaars tien toe beide sy pa en geledere uit die Vatikaan begin besef die jonge Bernini is geniaal – ’n kunstenaar wat in die voetspore van Michelangelo kan volg, of . . . selfs beter? Heese neem ons op ’n reis deur Bernini se lewe, vanaf sy grootwordjare totdat hy op die ouderdom van 41 in die huwelik tree. Deur sy sien ons die daaglikse lewe in Rome van die 1600’s, die Kerk wat tegelyk korrup en tog so toegeeflik teenoor sy kunstenaars is, en hoe Gianlorenzo algaande sy stem as beeldhouer vind. Bowenal sien ons hoe koorsagtig hy dít wat by hom spook, verbeeld – alles ter wille van die marmer, wat hy soos sagte vlees kan laat lyk. Maestro is ’n uitsonderlike geskiedkundige roman oor die geniale beeldhouer van die sewentiende eeu, eeue lank bykans vergete. En tegelyk is die boek ’n viering van kunstenaarskap en menswees. ​"Hierdie biografiese roman oor Bernini is soos die beeldhouwerk van ’n meester . . . daar is niks oorbodig nie; wat daar is, is sprekend en essensieel. Meer kan ’n mens nie van ’n boek vra nie.” – Deborah Steinmair...

Title : Maestro: 'n Roman oor die vormingsjare van Gianlorenzo Bernini
Author :
Rating :
ISBN : 32026246
Format Type : Kindle Edition
Number of Pages : 462 Pages
Status : Available For Download
Last checked : 21 Minutes ago!

Maestro: 'n Roman oor die vormingsjare van Gianlorenzo Bernini Reviews

  • Ilze
    2018-12-26 09:23

    Toe ek aanvanklik sien Maestro beslaan 480 bladsye, kon ek my oë nie glo nie! 480 bladsye??! Namate die boek egter gevorder het, het ek besef daar is heelwat wat ’n vertaler by Gianlorenzo kan leer. Marié Heese is bowendien ’n ervare skrywer met boeke soos "Die uurwerk kantel" (1976), "The Double Crown" (2009), "The Colour of Power" (2011), "A Triple-headed Serpent" (2012) en "Vuurklip" (2014) agter die blad.Maestro begin waar die lewe van Gianlorenzo Bernini begin en volg hom tot kort na sy 40ste (of kort daarna) verjaarsdag. Mens ontdek dat Gianlorenzo, wat later Cavaliere de Cristo word, baie baie hard studeer het voordat hy met sy beeldhouwerk begin. Hy begin in die Vatikaan en skets en teken so te sê alles wat hy sien ... “dit kom sit in sy siel” (bl. 63). So moet ’n taal ook by ’n taalpraktisyn kom sit; in jou siel. Jou ambag (wat dit dan ook mag wees) moet geslyp word totdat jou wese vanself die marmer vorm, en die taal opnuut oordra. Gianni, soos hy soms ook genoem is, kan dankbaar wees dat hy so ’n liefdevolle, geduldige ma gehad het, tesame met sy perfeksionis-pa. Sonder laasgenoemde sou hy nooit ’n belangrike les geleer het nie: “ ’n Kunstenaar moet sy lewe lank strewe om beter en anders te wees, in kompetisie nie alleen met ander kunstenaars nie, maar deurentyd ook met homself,” sê Pietro. “Maar volmaak sal sy werk nooit wees nie. Ten beste bly dit maar ’n flou afskaduwing van die Here se skeppingsdrang. As jy dit ooit betwyfel, kyk van naby na ’n vlinder. Dan sal jy dit weet.” Vervang “kunstenaar” met “vertaler” en daar verskyn die woorde van my eie dosent toe ek nog student was: Bly nederig, andersins sal jy nooit iets nuuts leer nie.In sy resensie van die boek, maak Reinhardt Fourie melding van die feit dat Heese “grondige navorsing doen wanneer sy ’n historiese roman aanpak”. Sy verweef egter die feite so haarfyn met fiksie, dat mens glad nie kan agterkom waar die nate sit nie. Heese dink en beskryf ook sekere dinge waaraan mens nooit sou gedink het nie, bv. Die afwesigheid van deoderant in 1638 wat daartoe lei dat bosse en bosse blomme tydens dinees oral geplaas word (sodat jou neus nie so bewus raak van die mensereuk nie). Sulke besonderhede maak die boek en sy karakters ég, net soos die feit dat die hoofkarakter g’n engel is nie. Hy gaan verskeie verhoudings aan (hy hou veral van ’n sekere weduwee) en al is die meeste van sy werk iets “allerpragtigs”, is daar ook pyn. Mens sien dit byvoorbeeld die 38 cm-lange Anima Dannata (gesig van ’n verlore siel), wat hy eers (n.a.v. Heese) voor ’n spieël geskets het terwyl hy sy been teen ’n kers hou om heeltemal seker te maak hy kan die uitdrukking van pyn laat lewe. Buiten hartstog, het Gianni ook sy lewe lank met skeelhoofpyne gesukkel. Ek ly self aan sulke hoofpyne en het my verwonder aan die raak beskrywing van die toestand, weereens vanuit die perspektief van iemand wat in die 17e eeu geleef het (met ’n emmer om die braaksel op te vang en geen enkele pil vir die pyn nie). Hierbenewens moet ek met Fourie se mening saamstem dat: “Lesers wat nie ... deur die ensiklopediese beskrywings van sy kunswerke en tydgenote gesteur sal word nie, en wat besonder belangstel in die lewe van Bernini, mag Maestro dalk geniet,” want die boek is onnodig lank en al trek die drama van talle gebeure ’n mens in die verhaal in, kan mens later amper voorspel wat gaan gebeur. Laastens moet ek net opmerk dat ek as gevolg van hierdie boek beeldhouwerk ánders betrag. Dit het skielik ’n bekoring waarvan ek voorheen nie bewus was nie.Gaan na http://nb.bookslive.co.za/blog/2016/0... indien jy ’n uittreksel wil lees.

  • Ansie de Swardt
    2018-12-20 06:20

    Redelik vervelig in terme van die naratief en die karakterisering, as 'n geheel teleurstellend. Dit is dalk Me Heese se skryfstyl, wat haar 'n warmbloedige latynse suideling soos eerder soos iemand met 'n noordelike protestantse wereldbeskouing laat uitbeeld. In my opinie. Die beste van die boek was om Bernini se werk te ontdek, wat ek nie so goed geken het nie. Dit was nou deur alles te bekyk op die internet soos dit beskryf word. Dit was die beste dele van die boek ook. Die navorsing was goed gedoen en feitelik interessant. Ek was net nooit aangegryp nie.